ŴANDU ŴANE AKUSAKULUPILILA kuti patuwile tukusaŵa ni umi kwinekwakwe, nambo ŵane akusakulupilila kuti mundu naga awile ni kuti awile basi. Ana wawojo akusakulupilila yatuli?

YAJIKUSASALA BAIBULO

‘Ŵawe ŵangamanyilila cilicose.’ (Mlaliki 9:5) Yayikugopolela kuti patuwile pangali cilicose cacikusajendelecela kuŵa ni umi.

ANA CINE CICI CAMPAKA TULIJIGANYE M’BAIBULO?

• Mundu jwandanda, Adamu, pajwawile jwawujile kwitaka. (Genesis 2:7; 3:19) M’yoyosoni, wosopewe patuwile tukusawujila kwitaka.—Mlaliki 3:19, 20.

• Ŵandu ŵawile akusaŵa kuti agopoledwe ku ulemwa wawo. (Aloma 6:7) Mundu pawile, ngakusapocela cilango ligongo lya ulemwa waŵatesile mkanawe.

ANA MPAKA AJILE KUTI:

• Elo?

• Iyayi?

• Mwine?

YAJIKUSAJIGANYA BAIBULO

‘Kuciŵa kwimuka ku ŵawe.’—Masengo 24:15.

ANA CINE CICI CAMPAKA TULIJIGANYE M’BAIBULO?

• Baibulo jikusalandanya ciwa ni lugono. (Yohane 11:11-14) Yehofa mpaka ŵajimusye ŵawe, mpela mwampaka tumjimucisye mundu jwagonile lugono.—Yobu 14:13-15.

• Baibulo jikusasala ya ŵandu ŵane ŵaŵajimwice ku ŵawe, yeleyo yikusatukamucisya kulupilila kuti ŵawe cacijimuka.—1 Mafumu 17:17-24; Luka 7:11-17; Yohane 11:39-44.