• Ana liŵasa lyangu mpaka liŵe lyakusangalala camtuli?

• Ana mpaka mbe camtuli mundu jwambone soni mpaka mbate camtuli acimjangu ŵambone?

• Ana pana cembeceyo cilicose kwa ŵakunonyelwa ŵangu ŵaŵawile?

• Ana yipwetesi yicimala?

• Ana ŵandu mpaka akombole konanga cilambo capasi?

• Ana dini syosope sikwakamucisya ŵandu kummanyilila Mlungu jwakuwona?

Ajawule pa webusayiti ja jw.org/yao, jajikusimanikwa m’yiŵeceto yakupunda 900. Pa webusayitiji pana ngani syakulekanganalekangana syampaka syakamucisye kumanyilila yejinji.

Mpaka alolelesoni mafidiyo gakwamba ya ŵandu ŵaŵatendaga yindu yakulekanganalekangana, nambo ŵaŵapatile yindu yakwakamucisya kuti aŵe ŵakusangalala yisyesyene soni ngakuligamba ligongo lya yeleyi. Ŵane ŵamwaga mnope ukana, soni ŵane ŵaliji akayidi. Ŵanesoni ali ŵalijiganye mnope soni ŵasayansi.

Pa webusayiti ja jw.org/yao mpaka ajigalesoni Mabaibulo gakulekanganalekangana, soni mabuku ni mafidiyo gakusala ya Baibulo kwalulele. Twine mwa tumabuku twatukusimanikwa tuli twakuyicisyatu:

• Liŵasa Lyawo Komboleka Kuŵa Lyakusangalala

• Ana Umi Wakusangalala Mpaka Awupate Catuli?

• Ngani Syambone Kutyocela kwa Mlungu!