CHIWUSYO 5
Ana M’Baibulo Mwana Utenga Wamtuli?
“Chinjiŵika uŵengani pasikati pa mmwejo ni jwamkongwejo, soni pasikati pa ŵanache ŵenu ni mwanache jwa jwamkongwejo. Jwalakwejo chachikasanya mtwe wenu, soni mmwejo timchiluma chindende chakwe.”
“Kupitila mwa mwanache jwenu, mitundu josope ja pachilambo chapasi jichipata upile ligongo lyakuti mmwejo mpikanile maloŵe gangu.”
“Umwenye wawo uyiche. Yakusaka yawo yitendekwe pachilambo chapasi, mpela mwayikutendechela kwinani.”
“Pachangakaŵapa, Mlungu jwakusapeleka mtendele, chamkasanye Satana pasi pa sajo syenu.”
“Mlungu pachachimalisya kuŵika yindu yosope pasi pakwe, Mwanachejo chachiliŵikasoni pasi pa Mlungu, jwele juŵaŵisile yindu yosope pasi pakwe. Chachitenda yeleyi kuti Mlungu aŵe yindu yosope kwa jwalijose.”
“Sambano yindu yiŵasasile Mlungu kuti chachipeleka ŵayisasile kwa Abulahamu ni mwanache jwakwe . . . , jwali Klistu. Nambosoni, naga jemanja mli ŵa Klistu nikuti mli ŵanache ŵasyesyene ŵa Abulahamu.”
“Umwenye wa chilambo uŵele Umwenye wa Ambuje ŵetu pampepe ni Klistu jwawo. Ŵalakwewo chachilamulila mpela mwenye mpaka kalakala.”
“Myoyo chingwenacho chachili lijoka lyakalakala lila ŵachigwisisye pasi chele chachikusamanyikasoni kuti Satana soni Jwakulambusya, jwele jwakusokonasya chilambo chosope chapasi. Chingwenacho ŵachigwichisye pachilambo chapasi yimpepe ni malayika gakwe.”
“Ŵachikamwile chingwena chila, lijoka lyakalakalalyo, chele chikusamanyikasoni kuti Jwakulambusya soni Satana, ni kuchitaŵa kwa yaka 1,000.”
