“Mtundu uchijimuchilana ni mtundu ujakwe soni umwenye ni umwenye ujakwe. . . . Yindu yosopeyi yichiŵa kutanda kwa yakusawusya mpela mwayikusaŵela ni yakupweteka ya pakuŵeleka.”

Mateyu 24:7, 8

“Kuchiŵa ŵakulochesya ŵaunami ŵajinji soni chachalambusya ŵandu ŵajinji. Soni ligongo lya kutupa kwa ungapikanila malamusi, chinonyelo cha ŵandu ŵajinji chichinandipa.”

Mateyu 24:11, 12

“Pachimchipikana masegwe ga ngondo chapakuŵandika soni ngani syakwamba ngondo, mkasimtenda woga. Pakuŵa yindu yeleyi yikusosekwa kutendekwa, nambo mbesi jichiŵa mkanijiŵe kwika.”

Maliko 13:7

“Kuchiŵa yisichinya yekulungwa, soni kuchiŵa sala ni milili m’malo gakulekanganalekangana. Pandaŵijo, kuchiwonekasoni yindu yakutesya woga soni kwinani kuchiwoneka yimanyisyo yekulungwa.”

Luka 21:11

 “Masiku gakumalisya jichiŵa ndaŵi jakusawusya soni jakogoya. Pakuŵa ŵandu chachiŵa ŵakulinonyela, ŵakunonyela mbiya, ŵakulipikana, ŵakulikwesya, ŵakunyosya, ŵangapikanila achinangolo, ŵangayamika, soni ŵangakulupichika. Chachiŵasoni ŵanganonyela achalongo achimjawo, ŵangasaka kukamulana ni ŵane, ŵakwalambuchisya achimjawo, ŵangalilekasya, ŵakogoya, ŵanganonyela yindu yambone, ŵakwapeleka achimjawo kwa adani, ŵangapikana ya ŵane, ŵakunyada, ŵakunonyela yakusangalasya mmalo mwakumnonyela Mlungu, ŵakuwoneka mpela ŵandu ŵakulipeleka kwa Mlungu nambo umi wawo uli wakutindana ni kulipeleka kwawoko.”

2 Timoteyo 3:1-5