“Wawo Mlungu ŵakupikana lipopelo, ŵandu ŵamitundu josope chachiyika kwa wawojo.”

Salimo 65:2

“Mumkulupilileje Yehofa ni mtima wenu wosope, soni mkaliwonaga kuti mli ŵakupikanichisya yindu. Mumkumbuchileje jwalakwe mu yosope yamkutenda, soni jwalakwejo chachijongola matala genu.”

Misyungu 3:5, 6

“Umi wangamala chachiwupata naga akulijiganya ya wawojo, Mlungu jikape jusyesyene, soni ya Yesu Klistu jwele wawojo ŵamtumile.”

Yohane 17:3

“[Mlungu] nditu, nganaŵa kwakutalikangana ni jwalijose jwa m’weji.”

Masengo 17:27

“Ni ligongo lyakwe nganguleka kumpopelela jemanja kuti chinonyelo chenu chipitilisye kukulilakulila pampepe ni kumanyilila kwenu yindu soni kupikanichisya chenene yindu.”

Afilipi 1:9

 “Naga jwine lunda lukumpelembela, amŵendeje Mlungu, mwamti chachimpa, pakuŵa Mlungujo akusapeleka mwakoloŵa makono kwa wosope, soni akusapeleka kwa mundu mwangamnyosya.”

Yakobo 1:5

“Mumŵandichile Mlungu, soni jwalakwe chachimŵandichila jemanja. Mswejesye makono genu, jemanja ŵandu ŵakulemwa, soni mtyosye nganisyo syakusakala m’mitima jenu, jemanja ŵandu ŵakayichilakayichila.”

Yakobo 4:8

“Kumnonyela Mlungu kukusagopolela kupikanila malamusi gakwe, soni malamusi gakwego nganigaŵa gakusitopesya.”

1 Yohane 5:3