“Ŵandu amanyilile kuti wawojo, ŵele lina lyawo lili Yehofa, wawojo jika ni ŵali Ŵakwinani Mnope pachilambo chosope chapasi.”

Salimo 83:18

“Mmanyilile kuti Yehofa ali Mlungu. Jwalakwe ni juŵatupanganyisye, mwamti tuli ŵakwe.”

Salimo 100:3

“Une ndili Yehofa. Lyeleli ni lina lyangu. Une jwangawupeleka uchimbichimbi wangu kwa jwine jwalijose, kapena kupeleka uchimbichimbi wangu kwa yiwanichisyo yakusepa.”

Yesaya 42:8

“Jwalijose jwakuŵilanga pa lina lya Yehofa chachikulupuka.”

Aloma 10:13

“Yili yisyene kuti nyumba jilijose pana jwinejwakwe juŵajitaŵile, nambo juŵapanganyisye yindu yosope ali Mlungu.”

Ahebeli 3:4

 “Mkwesye meso genu kwinani kuti mlole. Ana ŵani ŵaŵapanganyisye yindu yeleyi? Ali jwakusajilongolela gulu ja ndondwa nambosoni kusiŵalanga. Jwalakwe akusajiŵilanga ndondwa jilijose mwakujikolanga lina lyakwe. Ligongo lya machili gakwe gakutendela yindu soni gakutesya mnope woga, pangali ndondwa atamose jimo jajikusasoŵa.”

Yesaya 40:26