Baibulo jikwete utenga wa Mlungu wakwawula kwa m’weji lelojino. Jikusatusalila yampaka tutende kuti yindu yitujendeleje chenene soni kuti Mlungu atunonyeleje. Baibulo jikusajangasoni yiwusyo yakuyichisyayi:

ANA MPAKA APATE CHAMTULI NDIME SYA M’BAIBULO?

M’Baibulo mwana mabuku gamwanamwana gakwana 66. Baibulo ŵajigaŵile mbali siŵili, syasili Malemba ga Chihebeli ni Chialamu (“Malangano Gakala”) soni Malemba ga Chigiliki (“Malangano Gasambano”). Buku jilijose jikwete machaputala soni ndime. Palembile lilemba, nambala jandanda jajikusakuyana ni lina lya buku jikusaŵa chaputala, soni nambala jakuyichisyajo jikusaŵaga ndime. Mwachisyasyo, Genesesi 1:1 yikugopolela kuti Genesesi chaputala 1, ndime 1.