Yona 3:1-10
3 Kaneko Yehofa ŵamsalilesoni Yona kuti,+
2 “Mnyakuche, mjawule kumsinda wekulungwa wa Ninefe+ kuti mkalalichile utenga wachinamsalile.”
3 Myoyo Yona ŵanyakwiche ni kuwutanda ulendo wakwawula ku Ninefe+ pakumpikanila Yehofa.+ Ninefe waliji msinda wekulungwa mnope,* mwamti mundu yamjigalilaga masiku gatatu kuti amalisye kuwusyungulila.
4 Yona paŵajinjile mumsindamo ŵajesile lisiku lyamtundu ali mkulalichila kuti, “Pagambile kusigala masiku 40, msinda wa Ninefe chawujonanje.”
5 Ŵandu ŵa ku Ninefe paŵapikene yeleyi ŵamkulupilile Mlungu.+ Jemanjaji ŵakamulene yakuti jwalijose akalya nambosoni kuti awale yiguduli, kutandila ŵakuchimbichika mpaka ŵakutuluka.
6 Utenga ula pawayiche kwa mwenye jwa ku Ninefe, ŵanyakwiche pampando wawo waumwenye ni kuwula yakuwala yawo yauchimbichimbi. Kaneko mwenyewo ŵawete yiguduli ni kuja kutama paliwu.
7 Konjechesya pelepa, mwenyewo ŵalamwile kuti mumsinda wosope wa Ninefe agombelesye kuti:“Mwenye soni nduna syawo alamwile yakuti, Mundu jwalijose akalya yakulya kapena kumwa mesi. Pakasimanikwasoni chinyama chilichose chili mkulya yakulya kapena kumwa mesi.
8 Jwalijose awale yiguduli, chinga mundu kapena chinyama. Mundu jwalijose amchondelele Mlungu soni aleche yakusakala yakusatenda nambosoni aleche kutenda yachiwawa.
9 Ŵani ŵakumanyilila? Mwine Mlungu mpaka achenje nganisyo syakwe* pa chilango* chaŵasakaga kutupa ni kuwusya ukali wakwe wekulungwa kuti akatujonanga.”
10 Mlungu jusyesyene ŵayiweni yiŵatesile jemanjaji soni yiŵatite pakuchenga ndamo syawo syakusakala.+ Myoyo jwalakwe ŵachenjile nganisyo syakwe* pa chilango chiŵasakaga kwapacho, mwamti nganiŵapasoni.+
