Yobu 8:1-22
8 Sambano Bilidadi jwa ku Suwa ŵamjanjile Yobujo kuti:
2 “Ana mmweji chimpitilisye kuŵecheta chamti myiyi mpaka chakachi?
Pakuŵa maloŵe gamkamwa mwenu gagamba kuŵa mpela mbungo jamachili.
3 Ana Mlungu mpaka apindimasye chilungamo,Ana Jwamachiligosopejo mpaka apindimasye yindu yayili yakuŵajilwa?
4 Naga ŵanache ŵenu ŵamlemwechesye Mlungujo,Jwalakwe ŵapele chilango jemanjajo ligongo lya kwimuchila kwawo.
5 Nambo naga mmwejo mkulola kwa Mlungu,Ni kumchondelela Jwamachiligosopejo kuti amlosye umbone mtima,
6 Soni naga mmwejo mli jwamswela yisyesyene soni jwangali chakulemwa,Yikaŵele yakomboleka kuti jwalakwe ampikanile mmwejoSoni akatesile yakuti mwujile pamalo genu gamwaliji pandanda.
7 Soni atamose kuti ndanda jenu jaliji jamwana,Sogolo jenu jikaliji jekulungwa mnope.
8 Chonde mwawusye ŵandu ŵa m’bado* wakala,Soni mpikanile yindu yele achatati ŵawo ŵayikopochele.
9 Pakuŵa m’weji tupali lijusijusi peli mwamti pangali chatukumanyilila,Pakuŵa masiku getu pachilambo chapasi gali mpela m’bulili.
10 Ana jemanjajo ngasamsalila mmwejo maloŵe gakuti gamkamuchisyeSoni kumsalila mmwejo yindu yakuyimanyilila jemanjajo?
11 Ana milulu* mpaka jikule pamalo pele nganipaŵa pelambo?
Kapena matete mpaka gakule pamalo pangali mesi?
12 Mkanigaŵe kutumbuka soni mkanaŵe kugakata,Gakusajumula yakumela yine yosope mkaniŵe kumula.
13 Yeleyi ni yayikusatendechela wosope ŵakusamliŵalila Mlungu,Pakuŵa yakusajembecheya mundu jwangamjogopa Mlungu* yikusamala.
14 Jwalakwe akusakulupilila yindu yangali mateSoni akusadalila yindu yangalimbangana mpela ulusi wa chindandambuli.
15 Jwalakwe chachijegamila nyumba jakwe, nambo nyumbajo jichigwa.Jwalakwe chachilingalinga kujikamula, nambo jichigwape basi.
16 Jwalakwe ali mpela chakumela chachili palyuŵa chachikusosekwa kuchijitila,Mwamti nyambi syakwe sikusatambasukulila mu mgunda.
17 Michiga jakwe jikusaŵiligana pa liwunjili lya maganga.Jwalakwe akusaliwona liwunjili lya magangalyo kuŵa malo gakwe gakutama.
18 Nambo jwalakwe pamchuŵile pamalo gakwego,Malogo gachimkana jwalakwe ni kuŵecheta kuti, ‘Une nganinamwoneje mmwejo.’
19 Yisyene mwelemu ni muchachimalila jwalakwe,Kaneko ŵane chachikopoka kutyochela mwitaka.
20 Kusala yisyene Mlungu nganaŵa ŵakanile ŵandu ŵali ŵakulupichika.Sonitu nganaŵa ŵakamuchisye ŵandu ŵakusakala,
21 Pakuŵa jwalakwe chachitendekasya kuti pakamwa penu pasechelelejeSoni kuti pakamwa penu pagumileje ligongo lya chisangalalo.
22 Ŵandu ŵakumŵenga mmwejo chachawecha sooni,Soni tenti ja ŵandu ŵakusakala ngasijisimanikwasoni.”
Maloŵe Gamwiŵanda
^ Ku Mozambique akusati “geração.”
^ Milulu jili mtundu winewakwe wa manyasi gagakusamela mungulugulu lusulo.
^ Kapena kuti “ŵakusapuka.”
