Yobu 6:1-30
6 Kaneko Yobu ŵajanjile kuti:
2 “Yikaliji chenene yikaŵe kuti yakusawusya yangu+ ayipimile yosopeNi kuyiŵika pa sikelo pampepe ni kulagasika kwangu.
3 Pakuŵa apano yakusawusya yanguyi yikusitopa mnope kupunda mchenga wa m’nyasa.
Ni ligongo lyakwe maloŵe gangu gaŵele gangaŵajilwa.*+
4 Pakuŵa mipamba ja Jwamachiligosopejo jisomile une,Soni umi wangu ukumwa poyisoni jwakutyochela m’mipambajo.+Mlungu anjimuchile une, mwamti ngwete woga mnope.
5 Ana bulu jwamwitinji+ mpaka alile pali pana manyasi?Kapena ana ng’ombe mpaka jilile pali pana manyasi gakuti jilye?
6 Ana chakulya changanong’a mpaka chinonye chili changali njete?Kapena ana utomoni wa chakumela ukusanong’a?
7 Uneji nganile kukwaya yindu mpela yeleyi.
Pakuŵa yili mpela yakulya yayijonasiche.
8 Yikaŵele chenene yikaŵe kuti yambendile yitendekweSoni yikaŵe kuti Mlungu ambele yindu yangusakumbila.
9 Yikaŵele chenene yikaŵe kuti Mlungu agambile kungasanya,Yikaŵe kuti jwalakwe anyakwile mkono wakwe ni gamba kumalisya.+
10 Pakuŵa yeleyo yikandamiche une mtima pasi.Une ngagulwichegulwiche* ligongo lyakusangalala atamose kuti ngupikana kupweteka mnope,Pakuŵa une nganingana maloŵe ga Jwamswelajo.+
11 Ana uneji jwana machili gakuti mbitilisyepe kwembecheya?+
Ana kusogoloku kwana chilichose changwembecheya champaka chindendekasye kuti mbitilisyepe kuŵa ni umi?
12 Ana machili gangu gali gakulandana ni machili ga litunguwe?*
Kapena ana mnowu wangu ŵawupanganyisye ni chisyano cha kopa?
13 Ana pana champaka ndende kuti nalikamuchisye jika,Chitamilecho yindu yosope yayikangamuchisye ayityosisye?
14 Jwalijose jwakulepela kulosya chinonyelo chakulupichika kwa mjakwe+Chachilekasoni kumjogopa Jwamachiligosope.+
15 Achalongo achimjangu ŵasyesyenewo aŵele ŵangadalilichika+ mpela lusulo lwakwenda mesi mundaŵi ja wulape,Mpela mesi ga mu sulo sya mundaŵi ja wula syasikusajumula mwangakaŵilisya.
16 Mesi ga mu sulosyo gakusaŵilila ligongo lya matope.Mwelemo ni mwagakusasisika mesi gekamulane* ligongo lya kusisima.
17 Nambo mkupita kwandaŵi mesi ga mu sulosyo gakusajumula ni kumala.Kusa pakutesile chitukuta, sulosyo sikusajumula.
18 Kajende ka sulosyo kakusaŵa kakotakota,Sikusajenda kwawula ku chipululu ni sikusajumulila kukoko.
19 Magulu ga ŵandu ŵamalonda ŵakutyochela ku Tema+ akusasisosasosa sulosyo.Ŵandu ŵakwenda kutyochela ku Sheba*+ akusasijembecheya.
20 Jemanjaji akusatenda sooni ligongo ŵakulupililaga kuti chagapate mesi.Payiche kweleko akusatenguka.
21 Mwelemutu ni mwamŵelele jemanja kwa une.+Jemanja mkuweni kogoya kwa yakusawusya yangu, mwamti mtesilesoni woga.+
22 Ana une mbechete kuti, ‘Chonde mungayile kanekakwe,’
Kapena ana une namŵendile jemanja kuti mumbelechele mtuka kutyochela pa chipanje chenu?
23 Ana une namŵendile kuti mungulupusye mmyala mwa mdani* jwangu?Kapena kuti mungulupusye* kwa ŵandu ŵakundagasya?
24 Anjamuche, une chimbikanileje soni ngambecheta chilichose.+Angamuchisye kuti mbikanichisye kulemwa kwangu.
25 Maloŵe gakuŵechetedwa mwachilungamo gangapweteka.+
Nambo ana kwamuka kwa jemanja mpaka kumkamuchisye mundu?+
26 Ana jemanja mkamulene yakuti munjamuche ligongo lya yanguŵecheta,Mkusaka mgajamuche maloŵe ga mundu jwasoŵile pakamula,+ maloŵe gele mpaka gajigalidwe ni mbungo?
27 Jemanjatu mpaka mtende kalotalota* kuti mumjigale mwanache jwamasije+Sonitu jemanja mpaka mumsumisye mlongomjenu.+
28 Sambano jemanja mgalawuche soni mundole une,Ligongo une nganimba namlambwisye jemanja.
29 Achenje nganisyo syawo chonde. Akambona une mwakulemwechekaNguti achenje nganisyo syawo, pakuŵa une ndili jwakulungamape.
30 Ana lulumi lwangu lukuŵecheta yindu yangali chilungamo?
Ana une nganimba manyilile kuti chinechakwe chilemwechekwe?
Maloŵe Gamwiŵanda
^ Kapena kuti “mbechete mwangaganisya chenene.”
^ M’madela gane akusati “ngasumbilesumbile.”
^ Litunguwe lili liganga lyekulungwa mnope soni lyenyakuche.
^ Kapena kuti “sinowo; ayesi.”
^ Kapena kuti “magulu ga Asabeya.”
^ Ŵane akusati “mmagongo.”
^ Kapena kuti “mumwombole.”
^ Ŵane akusati “mayele.”
