Yobu 5:1-27
5 “Sambanotu mŵilanje. Ana pana jwalijose jwakumjanga?
Ana mmwejo chimgalawuchile kwa lilayika* lyapi?
2 Pakuŵa kutumbila kuchimwulaga mundu jwakuloŵela,Soni jelasi jichimwulaga mundu jwakwanguya kujigalika.
3 Une naweni ŵandu ŵakuloŵela ali mkutamilichika,Nambo mwangajembecheya nagaweni malo gawo gakutama gali galweseche.*
4 Pangali jwakusiŵachenjela ŵanache ŵakwe,Soni jemanjaji akusasimana ni yakutesya sooni pa geti ja msinda, soni pangali jwakusiŵakulupusya.
5 Mundu jwajimkwete sala akusalya yindu yatyosisye kumigunda mundu jwakuloŵela,Jwalakwe akusagowola atamose yindu yayimesile pamiŵa,Mwamti yindu yakwete mundu jwakuloŵelajo yikusasumulidwa.
6 Pakuŵa yindu yakuwulasya yangatyochelaga mu luwundu,Soni yakusawusya yangakopokaga mwitaka.
7 Pakuŵa mundu jwapagwile kuti asimaneje ni yakusawusya,Jwalakwe ali mpela yakutatasika ya pamoto yayikusajawula mwinani.
8 Nambo ngaŵe une ngamdandawulile Mlungu,Soni ngapite kuja kupeleka magambo gangu kwa Mlungu,
9 Kwa Jwele akusatenda yindu yekulungwa soni yakusawusya kuyiwungunya,Jwakusatenda yindu yakusimonjesya yayili yangaŵalanjika.
10 Jwalakwe akusapeleka wula pachilambo chapasiSoni jwalakwe akusatumisya mesi m’migunda.
11 Jwalakwe akusiŵakwesya mwinani ŵandu ŵakutuluka,Soni jwalakwe akusamnyakula mundu jwakulagasika ni kumkulupusya.
12 Jwalakwe akusagasokonasya mapulani ga ŵandu ŵakalamuka,Ni chakulinga chakuti masengo ga makono gawo gakajenda chenene.
13 Jwalakwe akusiŵagwichisya ŵandu ŵakalamuka mu chitega chakulinganya achimsyene pewo,Ni chakulinga chakuti mapulani gawo galepeleche.
14 Jemanjaji akusasimana ni chipi musi atamose lyuŵa lili mkuŵala,Jemanjaji akusaŵa mpela ŵandu ŵakusosasosa yindu mu chipi.
15 Mlungu akusiŵakulupusya jemanjaji kwa ŵandu ŵakwete upanga* mkamwa mwawo,Akusamkulupusya jwakulaga mmyala mwa ŵandu ŵamachili,
16 Akusatenda yeleyi kuti ŵandu ŵakutuluka akole chembecheyo,Nambo pakamwa pa mundu jwakusakala akusapawugala.
17 Mpikane! Jwana upile mundu jwele Mlungu akumjamuka.Myoyo mkakana kwamuka kwa Jwamachiligosopejo.
18 Pakuŵa jwalakwe akusampa mundu liŵanga lyakupweteka, nambo akusalitaŵasoni liŵangalyo.Jwalakwe akusamwulasya mundu, nambo ni kumposyasoni ni magasa gakwe.
19 Jwalakwe chachimkulupusya mmwejo ku yindu yakusawusya yakwana 6,Soni atamose chindu cha 7 ngasichimwulasya mmwejo.
20 Mundaŵi ja sala, jwalakwe chachimwombola mmwejo ku chiwa,Soni chachimwombola mmwejo ku machili ga upanga mundaŵi ja ngondo.
21 Jwalakwe chachimchenjela ku lulumi lwakupweteka mpela chikoti,Mwamti mmwejo ngasimjogopa payikwika yakusawusya.
22 Mmwejo ngasimdandawula yindu yakonanga payikwika soni pajikwika sala,Soni mmwejo ngasimjogopa yilombo yakwitinji.
23 Pakuŵa maganga gakwitinji ngasigamwulasya mmwejo,Soni yinyama yakwitinji tiyichiŵa pamtendele ni mmwejo.*
24 Chimchiyiwona kuti tenti jenu jili pamalo gangali chakogoya,Mwamti pangali chachichisoŵa pandaŵi jachimchijendelaga malo genu gakulichisya yilango.
25 Mmwejo chimchikola ŵanache ŵajinji,Soni yisukulu yenu yichiŵa yejinji mnope mpela yakumela ya pachilambo chapasi.
26 Mmwejo chimchiŵape jwamachili pachimchijawulaga ku malembe,Chimchiŵa mpela matita ga tiligu jwele amgungwile pandaŵi jakwe.
27 Myimanyi, yeleyi ni yatuwungunyisye soni ni mwayiŵelele.
Mpikanile yeleyi soni myijitichisye.”
Maloŵe Gamwiŵanda
^ Mu Chihebeli ŵatiga, “jwamswela.”
^ Ŵane akusati “kutembelela.”
^ Upanga ukusawoneka mpela chipula chekulungwa chakutema kosekose.
^ Kapena kuti “tiyichitenda mkamulano ni mmwejo.”
