Yobu 40:1-24
40 Yehofa ŵapitilisye kumjanga Yobu kuti:
2 “Ana mundu jwakusatamila kupata yakulemwecheka mpaka alimbane ni Jwamachiligosopejo?
Mundu jwakusaka kumjamuka Mlungu ajanje.”
3 Yobu ŵamjanjile Yehofa kuti:
4 “Apikane! Une ndili mundu jwangali mate.
Ana mpaka najanje chichi wawojo?
Unetu mbisile ligasa lyangu pakamwa pangu.
5 Unetu mbechete kwa maulendo gejinji.Nambo une nganjanga kapena kuŵechetasoni chilichose.”
6 Kaneko Yehofa ŵamjanjile Yobu kupitila mumbungo kuti:
7 “Chonde mlikosechelesye mpela jwamlume jwamachili.Unejo chinamwusye yiwusyo soni mmwejo munjanje.
8 Ana mmwejo mpaka mŵechete kuti une nganimba jwachilungamo
Ana mpaka mŵechete kuti une ndili jwakulemwa nambo mmwejo ni jwamli jwakulungama?
9 Ana mkono wenu uli wamachili mpela mkono wa Mlungu jusyesyene?Kapena ana maloŵe genu mpaka galindime mpela yagakusati pakulindima maloŵe ga jwalakwejo?
10 Chonde mliweche uchimbichimbi soni machili.Mliweche mwasyene ulemu soni kusalala.
11 Mkoposye ukali wa kutumbila kwenuMumlole jwalijose jwakulikwesya ni mumtulusye.
12 Mumlole jwalijose jwakulikwesya ni mumtesye sooni,Mwaponde ŵandu ŵakusakala pamalo gawo gajimi.
13 Mwasise wosopeŵa m’luwundu.Mwataŵe jemanjaji ni kwaŵika m’malo gakusisika.
14 Pelepo une chinjimjitichisya mmwejoKuti mkono wenu wamlyo mpaka umkulupusye.
15 Mlole Ndomondo* aji, jele une najipanganyisye mpela yanatite pakumpanganya mmwejo.
Jikusalya manyasi mpela ng’ombe.
16 Mlole machili gagali mu yiga yakwe,Soni mlole machili gagali m’minowu ja lutumbo lwakwe.
17 Jikusajumusya mchila wakwe mpela chitela cha mkungusa,Soni mitasi jajili mu yiga yakwe jili jelukanelukane.
18 Mawupa gakwe gali mpela mapayipi ga chisyano chakopa.Ngongolo syakwe sili mpela ndodo syachisyano.
19 Ndomondoji jili chindu chandanda soni chekulungwa mnope pa yinyama ya mtundu welewu yaŵayipanganyisye Mlungu.Juŵajipanganyisye ni jwampaka ajiŵandichile ni upanga.*
20 Pakuŵa matumbi ni gagakusajipanganyichisya yakulya,Kweleko ni kwele yinyama yosope yamwitinji yikusang’andaga.
21 Jikusagona pasi pa mawukutu,*Jikusagona mu m’bulili wa matete ga mwilambo.
22 Mawukutu ni gagakusajipa m’buliliSoni yitela ya mungulugulu lusulo yikusajisyungulila.
23 Naga lusulo lugumbele mnope ngajikusatenda woga.
Jikusalimba mtima atamose mesi ga mu Yolodani gasacheje kwinjila mkamwa mwakwe.
24 Ana apali jwampaka ajikamule ndomondojo jili mkulola?Ana kapena apali jwampaka apowole mbula syakwe ni chisopo?
Maloŵe Gamwiŵanda
^ Mu Chihebeli akusati, “Behemoti.”
^ Upanga ukusawoneka mpela chipula chekulungwa chakutema kosekose.
^ Gelega gali mawukutu gamiŵa gagakusasimanikwa mwilambo
