Yobu 4:1-21
4 Kaneko Elifasi jwa ku Temani ŵamjanjile Yobu kuti:
2 “Naga mundu akulinga kuŵecheta ni mmwejo, ana chimpilile ngamjanga chilichose?
Ana ŵani ŵampaka alikamule kuti akaŵecheta chilichose?
3 Yisyene mmwejo mwajamwiche ŵandu ŵajinji,Soni mwalimbikasyaga ŵandu ŵa makono gangali machili.
4 Maloŵe genu gamjimusyaga mundu jwalijose jwakuŵele,Soni mmwejo mwagalimbisyaga malungo ga mundu jwasigele panandi kugwa.
5 Sambanotu yimgwilile mmwejo, mwamti msoŵile pakamula.Apatu ni yimkwayiye mmwejo, mwamti yimsokonasisye mnope.
6 Pakuŵa mkusimumjogopa Mlungu, ana nganimŵa mŵele jwakulimba mtima?
Ana kukulupichika kwenu kula nganikuŵa kumpele chembecheyo?
7 Mkumbuchile chonde, ana pakwete pamwam’weni mundu jwangalemwa ali mkonasika?
Ana chakachi chamwam’weni mundu jwakulungama ali mkonasika?
8 Yanayiweni une yili yakuti ŵandu ŵakusalima mgunda wa yakusakala,Soni ŵele ŵakusapanda yakusawusya, akusagowola yiyoyo.
9 Jemanjaji akusajonasika ni mpweya wa Mlungu,Soni ligongo lya kukolela kwa kutumbila kwakwe, jemanjaji akusamala.
10 Lisimba likusatongola soni lisimba lyamachili likusapikanika kulila kwakwe,Nambotu atamose meno ga masimba gamachili gakusatemanguka.
11 Lisimba likusawa ligongo lyakusoŵa chinyama chakuti likamule,Mwamti tuŵanache twa lisimba tukusabalalikangana.
12 Sambano jwinejwakwe jwasalile une maloŵe mwachimsisi,Soni liwiwi lyangu lyapikene kusongona kwa maloŵe gakwe.
13 Nganisyo syakulagasya sili sinjichile m’mesomkulola ga chiloPandaŵi jele ŵandu akusaŵa ali awile nalo lugono,
14 Chilu changu chatetemele mnope,Soni m’mawupa gangu mwagumbele ni woga.
15 Msimu wapitile pangope jangu,Soni wumbo syapachilu pangu syagambile kwimajima.
16 Kaneko msimuwo wagambile kwima,Nambo nganimanyilila chenene kawoneche kakwe.
Chindu chinechakwe chajimi pasogolo pangu.Kwatesile bata soni kaneko napikene maloŵe gakuti:
17 ‘Ana mundu mpaka aŵe jwakulungama kumpunda Mlungu?
Ana mundu mpaka aŵe jwamswela kumpunda jwele juŵampanganyisye?’
18 Myimanyi, jwalakwetu jwangakulupilila ŵakutumichila ŵakwe,Soni ata malayika gakwe akusagapatilaga magongo.
19 Ni kuli uli ŵandu ŵele akusatama m’majumba galilongo,Majumba gele fendeshoni* jakwe jikusaŵaga mu luwundu,Ŵanduwo akusiŵatusula mwangasawusya mpela mwakusatusulila kalipuluputwa.
20 Akusaŵaga ni umi kundaŵi nambo pakwikaga ligulo akusaŵa ali atusulidwe kala.Jemanjaji akusajonanjidwa kwampaka kalakala, soni pangali jwakusatendapo kandu.
21 Jemanjajitu ali mpela tenti jele lukonji lwakwe lugopweche.
Jemanjaji akusawaga ali ŵangali lunda.
Maloŵe Gamwiŵanda
^ Ŵane akusati “yilimbilimbi.”
