Yobu 37:1-24
37 “Paligongo lyeleli mtima wangu ukugunda mnopeSoni ukutyoka m’malo mwakwe.
2 Apikane mwakusamala maloŵe gakwe gamachiliSoni apikane kulindima kwakutyochela mkamwa mwakwe.
3 Jwalakwe akusatendekasya kuti maloŵe gakwego gapikaniche kutyochela kwinaniSoni jwalakwe akusatumisya njasi jakwe mpaka kumbesi kwa chilambo chapasi.
4 Kaneko pakusapikanika masegwe gekulungwa.Jwalakwe akusalindima ni maloŵe gamachili mnope,Jwalakwe ŵangajilekasya njasiji pandaŵi josope jele maloŵe gakwe gakupikanika.
5 Mlungu akusalindima ni maloŵe gakwe m’litala lyakusimonjesya.Jwalakwe akusatenda yindu yekulungwa yele nganituŵa tukombwele kuyipikanichisya.
6 Jwalakwe akusagasalila mesi gekamulane kuti, ‘Mgwile pachilambo chapasi,’
Soni akusajisalila wula kuti, ‘Mgwe mwamachili mnope.’
7 Mlungu akusalekasya yakutenda ya ŵandu wosopeNi chakulinga chakuti mundu jwalijose amanyilile masengo ga jwalakwejo.
8 Yinyama yamwitinji yikusajawula m’nyumba syawoSoni yikusaŵaga kukoko kumalo gakwe gakuŵa.
9 Mbungo jamachili jikusaputa kutyochela ku chipinda chakwe,Soni kusisima kukusatyochela ku mbungo ja kumpoto.
10 Mpweya wa Mlungu ukusatendekasya kuti mesi gakamulane,Soni ukusatendekasya kuti mesi gejinji gakamulane ni kumula mnope.
11 Elo, jwalakwe akusagatendekasya mawunde kuti gasitopelwe ni chinyesi.Jwalakwe akusamwasanya njasi m’mawunde.
12 Mawundego gakusajenda kwinjililaga kwagasalile jwalakwejo kuti gajawuleje.Mawundega gakusatenda yiliyose yele jwalakwejo alamwile pachilambo chapasi.
13 Jwalakwe akusakamulichisya masengo mawunde kuti apeleche chilango,* kuti agwisye wula pachilambo chapasiKapena kuti alosye chinonyelo chakwe chakulupichika.
14 Apikane ayi wawo Yobu.Ajime kaje ni aganichisye mwakusamala masengo gakusimonjesya ga Mlungu.
15 Ana wawojo akusamanyilila yakusatenda Mlungu pakugalongolela mawunde?*Ana akusamanyilila yakusatenda jwalakwe kuti njasi simesye kutyochela m’mawunde?
16 Ana akumanyilila yayikusatendekwa kuti mawunde gatame m’malele?
Gelega gali masengo gakusimonjesya ga jwele jwakusamanyilila yosope.
17 Ligongo chichi yakuwala yenu yikutenda mtukutaPandaŵi jele chilambo chigambile kutama ligongo lya mbungo ja kummwela?
18 Ana wawojo pampepe ni jwalakwejo mpaka atambasukule* kwinaniKuti kuŵe kwakulimba mpela chisyano chakunyesimila?*
19 Atusalile yakuti tuŵechete kwa jwalakwejo.Nganituŵa tukombwele kwanga ligongo lyakuti tuli m’chipi.
20 Ana ngusosekwa kumsalila Mlungu kuti ngusaka kuŵechetana najo?
Kapena ana apali jwaŵechete yineyakwe yayikusosekwa kumsalila jwalakwe?
21 Ŵandu nganaŵa aliweni lilanguka,*Atamose lili mkuŵala kwinani,Mpaka mbungo jili jiputile ni kugatyosya mawunde kwinani.
22 Kumpoto kukusatyochela uchimbichimbi wakunyesimila mpela golide.Uchimbichimbi wa Mlungu uli wakusimonjesya mnope.
23 M’weji nganituŵa tukombwele kumpikanichisya Jwamachiligosopejo.Jwalakwe akwete machili gejinji,Soni jwalakwe jwangatenda yindu yakutindana ni chilungamo chakwe soni yakutindana ni kulungama kwakwe kwekulungwa.
24 Myoyo ŵandu akusosekwa kumjogopa jwalakwe.
Pakuŵa jwalakwe jwangasangalalaga ni ŵandu ŵakulipikana kuti ali ŵalunda.”
Maloŵe Gamwiŵanda
^ Ku Mozambique akusati “chamuko.”
^ Kapena kuti “kugalamulila mawunde.”
^ Kapena kuti “mpaka akuputepute kwinani.”
^ Kapena kuti “ligalasi lya chisyano.”
^ Pelepa akusala lilanguka lyakutyochela ku lyuŵa.
