Yobu 35:1-16
35 Elihu jwapitilisye kuŵecheta kuti:
2 “Ana wawojo akukulupilila nditu kuti ali ŵangalemwa, mwamti mpaka aŵechete kuti,‘Une ndili jwakulungama kumpunda Mlungu’?
3 Pakuŵa wawojo* aŵechete kuti, ‘Naga ngutenda yambone wawojo yikwakwaya uli?
Ana mbatile chichi ligongo lyakuŵa kwangu ŵakulupichika?’
4 Unetu chinajanje wawojoSoni chinajanje achimjawo ŵali ni wawojo.
5 Alole kwinaniAgalolechesye mawunde, gagali kwinani kwakutalikangana ni wawojo.
6 Naga wawojo akulemwa, ana yeleyi yikusampweteka uli jwalakwe?
Naga yakulemwa yawo yikutupilatupila, ana yeleyi yikusamkwaya uli jwalakwejo?
7 Naga wawojo ali ŵakulungama, ana akusampaga chichi jwalakwe?Ana jwalakwe akusapochela chichi kutyochela kwa wawojo?
8 Yakusakala yakusatenda wawojo yikusagamba kumkwaya mundu mpela wawojo,Soni kukulupichika kwawo kukusagamba kumkwaya mwanache jwa mundu.
9 Ŵandu akusalilaga pakulagasidwa mnopeJemanjaji akusalila kuti ŵagopole mmyala mwa ŵandu ŵamachili ŵakwalamulila mwangasa.
10 Nambo pangali jwakusaŵecheta kuti, ‘Ana Mlungu jwali jwakumbanganya jwangu jwamkulungwa, ali kwapi,Jwele jwakusatendekasya kuti nyimbo sijimbidwe chilo?’
11 Jwalakwe akusatujiganya m’we yindu yejinji kuti tuŵe ŵalunda mnope kupunda yinyama yakogoya ya pachilambo,Soni jwalakwe akusatutendekasya m’weji kuŵa ŵalunda mnope kupunda yijuni yamwinani.
12 Ŵandu akusamlilila jwalakwe, nambo jwalakwe ŵangajangaga,Ligongo jwalakwe akusalola kunyada kwa ŵandu ŵakusakala.
13 Nditu Mlungu jwangajanga kulila kwachinyengo kwa ŵandu.Jwamachiligosopejo jwangapikanila kulila kweleko.
14 Ni kuli wuli wawojo pakudandawula kuti ngakusamwona jwalakwe.
Magambo gawo gali pameso pakwe, myoyo amjembecheye nditu jwalakwejo.
15 Pakuŵa jwalakwe nganiŵatumbilila wawojo ni kwapa chilango.*Soni jwalakwe nganayikosya yakuti wawojo aŵechete mwakuwutuka mkanapikanichisye.
16 Yobu akusawugula pakamwa pakwe ni kuŵecheta yangakamuchisya.Jwalakwe akusatupiya maloŵe gakwe ali mkuŵecheta yangali lunda.”
