Yobu 32:1-22
32 Myoyo achalume ŵatatuwo ŵalesile kumjanga Yobu ligongo lyakuti Yobujo ŵaliwonaga kuŵa jwakulungama.
2 Nambo Elihu mwanache jwa Balakele jwa mu mbumba* ja Busi jwa m’liŵasa lya Lamu jwatumbile mnope. Jwalakwe jwamtumbilile mnope Yobu ligongo lyakuti Yobujo ŵaliwonaga kuŵa jwakulungama kumpunda Mlungu.
3 Nambosoni jwalakwe ŵatumbilile mnope achimjakwe ŵatatu ŵa Yobu ligongo lyakuti jemanjaji ŵalepele kumjanga Yobujo. Mmalomwakwe jemanjaji ŵasalaga kuti Mlungu ali jwakusakala.
4 Elihu ŵaliji ali mkwembecheya kuti ajanje pa yindu yaŵaŵechetaga Yobu. Jwalakwe ŵajembecheyaga ligongo lyakuti jemanjaji ŵaliji ŵachikulile kumpunda jwalakwejo.
5 Elihu paŵayiweni kuti achalume ŵatatu ŵala nganakolasoni chakwanga, ukali wakwe wakolele mnope.
6 Myoyo Elihu mwanache jwa Balakele jwa mumbumba ja Busi jwatandite kuŵecheta kuti:
“Une ndili mwanacheJemanja mli achalume ŵachikulile.
Myoyo natemi ngaŵecheta pakwapa ulemu jemanjaMwamti nganilinga ata panandi kwasalila yangumanyilila.
7 Mumtimamu nditeje kuti, ‘Nayileche yaka yiŵechete,Naleche ŵakwete yaka yejinji aŵechete yindu yalunda.’
8 Nambo uli msimu wawuli mwa ŵandu,Mpweya wa Jwamachiligosopejo ni wawukusiwatendekasya jemanjaji kupikanichisya yindu.
9 Yaka pajika* yangamtendekasya mundu kuŵa jwalunda,Soni ngaŵa kuti ŵachikulilepe ni ŵakusamanyilila yayili yakuŵajilwa.
10 Myoyo une nguŵecheta kuti, ‘Ambikanile,Soni chinasalile jemanja yangumanyilila.’
11 Apikane! Unetu njembecheyeje kuti jemanja aŵechete kaje.Une mbele ndili mkupikanila jemanja paŵecheteje mfundo syawoPandaŵi jele jemanja asosilejesosileje yindu yakuti aŵechete.
12 Unetu napikanileje jemanja mwakusamala,Nambo pangali jwalosisye kuti Yobu ali jwakulemwa*Soni pangali mundu jwajanjile pa yindu yaŵecheteje pakuliŵichila kunyuma.
13 Jemanja akaŵecheta kuti, ‘M’weji tulupatile lunda.Mlungu ni jwamsimene kuti jwalakwejo ali jwakulemwa ngaŵa mundu.’
14 Yobu paŵecheteje nganaŵechetaga ni uneMyoyo une nganamjanga jwalakwejo mwakamulana ni yindu yaŵecheteneje ni jemanja.
15 Achalumeŵa akwete woga, nganakola yakuti ajanje,Soni jemanjaji nganakola yakuti aŵechete.
16 Unetu njembecheye nambo jemanjaji alesile kuŵecheta.Jemanjaji agambile kwima, nganakolasoni yakuti ajanje.
17 Myoyo nombe une chinjanje,Soni chisale yangumanyilila.
18 Pakuŵa une ngwete maloŵe gejinji,Soni msimu wawuli mwa une ukunjisya kuti mbechete.
19 Mkati mwangu ngupikana mpela finyo jwakusoŵa pakukopochela,Ngupikana mpela misaku jasambano ja lipende jakutaga finyo jwajusigele panandi kuwulika.
20 Angunde kuti mbechete kuti mbikane chenene!
Une chimbugule pakamwa pangu kuti njanje.
21 Une ngandosya lusagu kwa mundu jwalijose.Soni ngangusaka kumlapilila* mundu jwalijose.
22 Pakuŵa une jwangamanyilila kumlapilila mundu.Soni naga ngutenda yeleyo, juŵambanganyisye mpaka anjonanje une mwachitemachitema.
Maloŵe Gamwiŵanda
^ Alole Kugopolela kwa Maloŵe Gane.
^ Kapena kuti “Masiku gejinji pajika gangamtendekasya mundu kuŵa jwalunda.”
^ Kapena kuti “pangali jwamjamwiche Yobu.”
^ Kapena kuti “ngangusaka kupeleka lina lyauchimbichimbi kwa mundu jwalijose.”
