Yobu 31:1-40
31 “Une ndesile chilanga ni meso gangu.
Myoyo ana mpaka namlolechesye uli jwamkongwe jwali mwali mwakumkumbila?
2 Naga ngutenda yeleyo ana chinjipochela chichi kutyochela kwa Mlungu jwakwinani?Ana Jwamachiligosopejo chachimba chichi?
3 Ana ngati paja yakusawusya yikusamjembecheya mundu jwakusakalaSoni yakogoya yikusiyagwila ŵandu ŵakutenda yakwawulasya ŵane?
4 Ana Mlungu jwangalolaga matala gangu?Soni ana jwalakwe jwangalolaga yosope yangutenda?
5 Ana une papali pambechete yaunami?*
Ana une papali panamloŵesye mundu?
6 Mlungu alinje une ni sikelo jwakuŵajilwa,Mwamti chamanyilile kuti ndili jwakulupichika.
7 Naga sajo syangu sikuleka litalaKapena naga mtima wangu ukukuya yakusaka ya meso ganguKapena naga magasa gangu gali gangaswejela,
8 Pelepo ni kuti une mbande mbeju kuti mundu jwine alye,Soni yindu yele une mbandile yichuŵidwe*
9 Naga jwamkongwe jwine akopile mtima wanguSoni naga ngwembecheya pamlango wa mlongomjangu,
10 Pelepo nikuti ŵamkwangu ŵasyajile tiligu ŵalume ŵaneSoni achalume ŵane agone ni ŵamkwanguwo.
11 Pakuŵa ndamo jakutesya sooni jampaka ndendejoMpaka jiŵe kulemwa kwakusosekwa kuti ŵakwelusya ambe chilango.*
12 Yili mpela moto wampaka utinisye soni konanga,Moto wampaka utinisye michiga ja mbeju syangu syosope.
13 Naga nakanile kumtendela chilungamo jwakutumichila jwangu jwamlume kapena jwamkongwePaŵadandawulaga ya une,*
14 Ana mpaka ndende chichi Mlungu pakuwelusya une?
Soni ana mpaka namjanje chichi jwalakwe pakunjimba magambo?
15 Ana juŵambanganyisye une m’chitumbo ngati ni juŵapanganyisyesoni jemanjajo?
Ana nganaŵa jujojo juŵatupanganyisye m’we mkanitupagwe?
16 Naga nganinampa jwakulaga yakusakaKapena naga namtendekasisye jwamkongwe jwamasije kuŵa jwachanasa,
17 Naga nalile yakulya yangu jikaNgagaŵila ŵanache ŵamasije
18 (Pakuŵa kutandila ndili jwachinyamata, mwanache jwamasije jwakulaga ali ni une mpela kuti ndili babagwe,Kutandila ndili mwanache mbele ndili mkwakamuchisya achakongwe ŵamasije.)
19 Naga nam’weni mundu jwine ali mkulaga ni mbepo ligongo lyakusoŵa chakuwalaKapena naga nam’weni mundu jwakulaga ali mkusoŵa chakuliwunichila,
20 Naga jwalakwe nganamba une upilePaŵaliwunichilaga chakuliwunichila chaubweya wa ngondolo syangu,
21 Naga namkunjile chibagela mwanache jwamasijePandaŵi jiŵasakaga chikamuchisyo changu pageti* ja msinda,
22 Nikuti mkono wangu utyoche m’malo mwakwe ni kugwa,Soni mkono wangu utemanguche pachisukusuku.*
23 Pakuŵa une najogopaga yakusawusya yakutyochela kwa Mlungu,Soni ngamkaningombola kwima pameso pa uchimbichimbi wakwe.
24 Naga ngudalila golideSoni naga ngumsalila golide jwambone kuti, ‘Mmwejo mli jwakunjenjela jwangu.’
25 Naga nasangalalaga ligongo lya chipanje chejinji chanakweteSoni ligongo lya yindu yejinji yanapatile,
26 Naga naliweni lyuŵa lili mkuŵalaSoni mwesi uli mkwenda kwineku uli mkuwoneka wakusalala,
27 Soni naga mkati mwa mtima wanguwu nakopeche nayo yeleyi,Soni pakamwa pangu ni magasa gangu gayichimbichisye* yeleyi,
28 Nikuti yeleyi yikaŵele yakulemwa yakusosekwa kuti ŵakwelusya ambe chilango,Pakuŵa yikalosisye kuti namkanile Mlungu jusyesyene jwali kwinani.
29 Ana une pakwete pasangalele ligongo lyakuti mdani jwangu asimene ni yakusawusya?Kapena pakwete panyadile ligongo lyakuti jwalakwe yimgwilile yakusakala?
30 Une nganingundeje kuti ndemwe ni pakamwa panguMwakulumbila kuti jwalakwejo awe.
31 Ana achalume ŵa mutenti jangu nganawusyaga kuti,‘Ana apali jwalijose jwanganajikuta ni yakulya yapochele kutyochela kwa jwalakwe?’
32 Pangali mlendo jwalijose jwanamlesile kuti agone pasa chilo chosope,Nawugulilaga mlango wa nyumba jangu ŵandu ŵakupita.
33 Ana une pakwete palinjile kusiŵa yakulemwa yangu mpela mwakusatendela ŵandu ŵane,Mwakusunga yakulemwa yangu mumsaku wa chakuwala changu?
34 Ana pakwete pandesile woga ni yindu yampaka jitende gulu ja ŵandu?Kapena pakwete panjogwepe maloŵe gakunyosya ga m’maŵasa gane?Soni ana yeleyi yindendekasisye une kutama ngaŵecheta soni kogopa kwawula pasa?
35 Yikaŵele chenene yikaŵe kuti mundu jwine ambikanile une.
Yikaŵe myoyo, unejo ngasayinile lina lyangu pa yindu yambechete.
Nguŵenda kuti Jwamachiligosopejo anjanje une.
Yikaŵele chenene yikaŵe kuti jwakusisya une alembile magambo gangu pachikalata.
36 Nganyakwile chikalatacho pekoyo pangu,Soni ngachitaŵile kusyungulila mtwe wanguwu kuti chiŵe mpela chisoti chauchimbichimbi.
37 Ngamlondechesye jwalakwe chimo ni chimo pa yosope yambele ndili mkutendaNgamjawulile jwalakwejo mwakulimba mtima mpela kuti ndili jwakulongolela.
38 Naga mgunda wangu ukulilila uneSoni naga misela jakwe jikulila pampepe mwakugwisya misosi
39 Naga nalile yisogosi yakwe ni ngalipila,Soni naga natendekasisye achimsyene mgundawo kwasa mtima,
40 Mumgundamo mumele mawukutu ga miŵa mmalo mwa tiliguSoni mumele mawukutu gakununga mmalo mwa balele.”
Maloŵe ga Yobu gamalile pelepa.
Maloŵe Gamwiŵanda
^ Kagopolele kanesoni, “ana une papali panjesile ni ŵandu ŵaunami.”
^ Kapena kuti “yisukulu yangu yichuŵidwe.”
^ Ku Mozambique akusati “chamuko.”
^ Kapena kuti “paŵakwete magambo ni une.”
^ Kagopolele kanesoni, “pandaŵi janaliwonaga kuti ngwete ŵakungamuchisya pageti ja msinda.”
^ Kapena kuti “utyoche m’malo mwakwe; Utyoche mu liwupa lyakwe lyapenani.”
^ Mu Chihebeli ŵatiga, “nagapele kisi magasa gangu pakulosya kuyitindiŵalila yeleyi.”
