Yobu 27:1-23
27 Yobu jwapitilisye kuŵecheta kuti:
2 “Nditu ngulumbila pameso pa Yehofa Mlungu jwaumi jwele anjimile une chilungamo,Pali Jwamachiligosopejo, jwandendekasisye une kuti simane ni yakupweteka,
3 Pandaŵi josope jele mpweya uli chiŵela mwa uneSoni pandaŵi josope jele msimu wa Mlungu uli chiŵela mu mbula syangu,
4 Ngomo syangu ngasisiŵecheta yindu yangali chilungamo,Soni lulumi lwangu ngasilukoposya yindu yachinyengo.
5 Mpaka uŵe ungaganisya chenene naga une ngumkolanga jemanja kuti mli ŵakulungama.
Mpaka une chinjiyikana pakuwa, nambo ngasindeka* kuŵa jwakulupichika.
6 Unetu chimbitilisyepe kuŵa jwakulungama soni ngasindeka ata panandi.Mtima wangu ngasiwusisya une pandaŵi jandili chiŵela umi.
7 Yikaŵele chenene kuti mdani jwangu ampe chilango* mpela mundu jwakusakala,Wosope ŵakunyosya une apochele chilango mpela ŵangalungama.
8 Ana mundu jwangakusajogopa Mlungu akusakola chembecheyo chamtuli pandaŵi jajonasiche,Pandaŵi jele Mlungu atyosisye umi wakwe?
9 Ana Mlungu chachipikana kulila kwakwePandaŵi jele yakusawusya yimgwilile jwalakwe?
10 Kapena ana Jwamachiligosope chachisangalala ni jwalakwe?
Ana jwalakwe chamchiŵilangaga Mlungu ndaŵi syosope?
11 Une chinjimjiganya jemanja yakwamba machili ga Mlungu.*Ngasinamsisa chilichose pakwamba ya Jwamachiligosopejo.
12 Mpikane, naga jemanja wosope gam’weni mesomkulola,Ligongo chichi maloŵe gamkuŵecheta gali gangali mate?
13 Yeleyitu ni yakusapata mundu jwakusakala kutyochela kwa Mlungu,Yakusapochela ŵandu ŵangasa kutyochela kwa Jwamachiligosopejo.
14 Naga ŵanache ŵakwe akuŵa ŵajinji, wosopewo chachiwa ni upanga,Soni yisukulu yakwe ngasiyikola yakulya yakwanila.
15 Soni ŵanache ŵakwe ŵakusigala mlili uchawulaga ni kwaŵika m’malembe,Mwamti achiŵamkwawo ŵachachiŵa ŵamasije ngasiŵalilila jemanjajo.
16 Atamose jwalakwe ali aliwunjichile silifa jwamjinji mpela luwundu,Soni akusunga yakuŵala yambone yejinji mpela litaka,
17 Atamose ali ayiwunjiche pampepe,Mundu jwakulungama chachiwala yakuwala yeleyoSoni mundu jwangalemwa chachimgaŵanya silifa jwakwejo.
18 Nyumba jataŵile jwalakwejo jichiŵa jangalimbangana mpela kachisusi ka lipuluputwa,Jichiŵa mpela kachilindo kataŵile mlonda.
19 Jwalakwe chachijawula kugona ali jwamsichile nambo ngasakola chilichose.Pawugwile meso gakwe chachiyiwona kuti pangali chilichose chakwete.
20 Yindu yakogoya yichimyichila jwalakwe mpela mesi gakusefuchila.Chimbungo chamachili chichimkwakula jwalakwe chilo.
21 Mbepo ja kungopokolyuŵa jichimnyakula jwalakwe, mwamti ngasasimanikwasoni.Jichimpyajila jwalakwe ni kumtyosya pamalo gakwe.
22 Mbepojo jichimputa jwalakwejo mwangamtendela chanasaPandaŵi jele jwalakwejo chachilingaga kutila machili ga mbepojo.
23 Mbepojo jichimkwatila mmyala jwalakwe mwachipongweSoni jichimjimbila lulusi jwalakwejo mwakumnyosya jili pamalo gakwe.
Maloŵe Gamwiŵanda
^ Kapena kuti “chinjipitilisyape.”
^ Ku Mozambique akusati “chamuko.”
^ Kagopolele kanesoni, “chinjimjiganya jemanja ni mkono wa Mlungu.”
