Yobu 24:1-25
24 “Ligongo chichi Jwamachiligosopejo nganaŵika ndaŵi?
Ligongo chichi ŵandu ŵammanyi jwalakwe nganaliwona lisiku lyakwe?*
2 Ŵandu akusatukusya malile ga malo.Jemanjaji akusajiŵa yilango ni kuja kuyiŵika kumalo gawo gakulichisya yilango.
3 Jemanjaji akusasumula bulu jwa ŵanache ŵanganakola baba ŵawoSoni jemanjaji akusasumula ng’ombe ja jwamkongwe jwamasije kuti jiŵe chikole.
4 Jemanjaji akusamtyosya mundu jwakulaga pamsewu jwalakwejo ali ngakusaka.Ŵandu ŵapachilambo ŵanganakola ŵakwakamuchisya, ŵatileje jemanjajo.
5 Ŵakulaga akusosasosa yakulya m’chipululu mpela mwakusatendela bulu jwakwitinji.Jemanjaji akusasosasosa yakulya ya ŵanache ŵawo m’chipululu.
6 Jemanjaji akusagowola m’migunda ja ŵandu ŵaneSoni akusawulula m’migunda ja mipeleya* ja ŵandu ŵakusakala.
7 Jemanjaji akusagona chilo chosope ali makonope, ali ŵangali yakuwala.Jemanjaji nganakola chakuliwunichila pakukutenda mbepo.
8 Jemanjaji akusanyoŵa kupetee ni wula ja m’matumbi.Jemanjaji akusalikanganichisya m’malwala ligongo lyakusoŵa pakuŵa.
9 Ŵakusakala akusamtyosya pa liŵele mwanache jwanganakola babagwe.Soni akusasumula yakuwala ya mundu jwakulaga kuti yiŵe chikole.
10 Akusiŵakanganichisyaga ŵakulaga kuti ajawuleje ali makono, ali ŵangali yakuwala.Soni jemanjaji akusatwichila matita ga tiligu jili jakwete sala.
11 Jemanjaji akusakamula masengo pasikati pa mapupa gekanganiche lyuŵa lili pamtwe.Jemanjaji akusaminya mipeleya pamalo gakuminyila mipeleyajo nambo ni kwakolagasoni njota.
12 Ŵandu ŵakuwa akuwuwula mumsinda.Ŵandu ŵawulele mnope akulilila chikamuchisyo,Nambo Mlungu ngakulosya kuti yeleyi yikumkwaya.*
13 Pana ŵandu ŵane ŵakulijimuchila lilanguka.Jemanjaji ngakusamanyilila matala ga lilangukalyo,Soni jemanjaji ngakukuya matala gakwego.
14 Jwakuwulaga ŵandu akusajimuka kumasikusiku.Jwalakwe akusiŵasikita ŵandu ŵanganakola ŵakwakamuchisya soni ŵakulaga,Soni chilo, jwalakwe akusiŵajiŵila ŵandu.
15 Mundu jwachikululu akusajembecheya kuti kuswe.Jwalakwe akusaŵecheta kuti, ‘Pangali jwampaka ambone.’
Mwamti jwalakwe akusasiŵa ngope jakwe.
16 Chilo jemanjaji akusajinjila m’nyumba sya ŵandu.Musi jemanjaji akusaliwugalila m’nyumba.
Jemanjaji akusaŵa alendo ŵa lilanguka.
17 Kwa jemanjaji kundaŵi akusakuwona mpela chipi chekulungwa.Jemanjaji ŵayisyoŵelele yindu yakogoya yakutendekwa m’chipi.
18 Nambotu jemanjaji akusajigalidwa mwachitema ni mesi.
Malo gawo gachiŵa gelweseche,*
Jemanjaji ngasawujilasoni kumigunda jawo ja mipeleya.
19 Mpela mwagakusanyelenyenduchila mesi gekamulane ligongo lya chilala soni chitukuta,Nombenago Malembe* gakusigajigala ŵandu ŵalemwisye.
20 Mamangwe chachimliŵalila jwalakwe, soni mbisu sichitenda pwando pa jwalakwe.
Pangali juchachimkumbuchila jwalakwe.
Soni yindu yangali chilungamo yichitemanguka mpela chitela.
21 Jwalakwe akusamtendela yindu yangali chilungamo jwamkongwe jwangaŵeleka.Soni akusamtendela yangasa jwamkongwe jwamasije.
22 Mlungu chachikamulichisya masengo machili gakwe kuti amalane ni ŵandu ŵamachili.Atamose jemanjaji akole machili, nambope ngakusamanyilila naga chaŵepe ni umi.
23 Mlungu akusiŵaleka jemanjaji kuti aŵe ŵakulidalila soni akole yakulichenjela,Nambo meso gakwe gakusaŵa pa yosope yakusatenda.
24 Jemanjaji akusakola machili kwakandaŵi, nambo kaneko ngakusawonekasoni.
Ali mpela tiligu jwakusamkata ni kumwunjika pampepe.Akusiŵatulusya soni akusawa mpela mwayikusaŵela ni mundu jwalijose.
25 Sambano ŵani ŵampaka apeleche umboni wakuti yanguŵechetayi yili yaunamiKapena ŵani ŵampaka asisye maloŵe ganguga?”
Maloŵe Gamwiŵanda
^ Pelepa akwamba lisiku lyakwe lyakwelusya.
^ Mipeleya jili mtundu winewakwe wa yisogosi yakusayikamulichisya masengo pakupanganya finyo.
^ Kagopolele kanesoni “ngakumjimba magambo jwalijose.”
^ Ŵane akusati “kutembelela.”
^ Alole Kugopolela kwa Maloŵe Gane.
