Yobu 23:1-17
23 Yobu ŵajanjile kuti:
2 “Atamose lelo chindandawulepe mwangapikana ya ŵane,Ligongo lya kudandawula kwa mumtima mwangu.
3 Yikaŵe kuti ngumanyilila kwampaka nampate Mlungu,
Ngajawile kumalo gakwe gakusatama.
4 Ngajawile kwa jwalakwe ni magambo ganguSoni ngagumbesye mkamwa mwangu maloŵe gakulimbana ni jwalakwe.
5 Une ngamanyilile mwakanjanjile jwalakweSoni ngapikene yakusalila une.
6 Ana jwalakwe akalimbene ni une pakamulichisya masengo machili gakwe gekulungwa?
Iyayi, ngamkanatenda myoyo, jwalakwe akambikanile.
7 Kweleko magambo ga mundu jwakulungama gachiŵechetedwa,Soni Jwakwelusya jwangu chachiyipata kuti une ndili jwangalemwa ni kugamasya magambogo.
8 Nambo naga ngwawula kungopokolyuŵa, jwalakwe ngakusaŵa kweleko.Kaneko ngusawujila nambo ngangusampatasoni jwalakwe.
9 Jwalakwe pakukamula masengo kumchiji, une nganimba nam’weni.Kaneko akusagalawuchila kumlyo, nambo ngangusamwonasoni jwalakwe.
10 Nambo jwalakwe akusamanyililaga litala lyangwenda.
Panyuma pakuti jwalakwe alinjile une, chinjikopoka ndili mpela golide jwambone.
11 Sajo syangu sikuyisye sajo syakwe mwakusamala mnope.Njesile m’litala lyakwe, mwamti nganindeka litalalyo.
12 Une nganindeka kukuya malamusi gakukopoka pakamwa pakwe.
Unetu nagaweni maloŵe gakwe kuŵa gakusosekwa mnope kupunda yaŵasakaga jwalakwejo kuti une ndende.
13 Jwalakwe pasimichisye kutenda yindu, ana ŵani ŵampaka amlekasye?
Jwalakwe pasachile kutenda chinechakwe, akusachitenda basi.
14 Pakuŵa jwalakwe chachitenda yosope yasimichisye kundendela une,Mwamti akwete yindu yejinji yamti mpela yeleyo yasunjile une.
15 Ni ligongo lyakwe une sindupile nganisyo ligongo lya jwalakwe.Panganichisye ya jwalakwe ngusakola woga mnope.
16 Mlungu atendekasisye kuti ngole woga wekulungwa mumtima mwangu,Soni Jwamachiligosopejo andendekasisye une kuti njogopeje.
17 Nambo chipi nganichiŵepe kundendekasya kuleka kuŵechetaAtamose chipi chekulungwa chachisiŵile ngope jangu nganichiŵe kundendekasya kuleka kuŵecheta.
