Yobu 22:1-30
22 Elifasi jwa ku Temani jwajanjile kuti:
2 “Ana mundu mpaka aŵe jwakusosekwa kwa Mlungu?
Ana mundu jwalijose jwali jwalunda mpaka aŵe jwana masengo kwa jwalakwe?
3 Jwamachiligosopejo ana akwete nayo masengo yakuti mmwejo mli jwakulungama,Kapena ana jwalakwejo akusapata kalikose ligongo lyakuti mkutenda yindu mwakulupichika?
4 Ana jwalakwe mpaka ampe chilango mmwejo,Soni ana jwalakwe mpaka aŵe pamagambo ni mmwejo ni chakulinga chakuti mumchimbichisye?
5 Ana yeleyi nganiyitendekwa ligongo lyakuti yakusakala yenu yitupile,Soni mmwejo mkupitilisya kutenda yakulemwa?
6 Mkusimwasumula achalongo achimjenu yindu yamwakamulene kuti yiŵe chikole pali pangali magongo,Soni mmwejo mkusimwawula ŵandu yakuwala yawo ni kwaleka ali makonope.
7 Ŵandu ŵakupela, mmwejo ngamkusimwapa mesi gakumwa,Soni ŵasala ngamkusimwapa yakulya.
8 Chilambo chikusaŵa cha mundu jwamachili,Soni mundu jwamlosisye umbone mtima ni jwakusatama mwelemo.
9 Nambo mkusimwasalila achakongwe ŵamasije kuti ajawuleje ali yalayalapeMwamti makono ga ŵanache ŵangali baba ŵawo mkusagakasanya.
10 Ni ligongo lyakwetu yitega yimsyungulile mmwejo,Soni yakogoya yakwika mwakusisimuchisya yikumjogoya mmwejo.
11 Ni ligongo lyakwe mkuchiwona chipi chekulungwa mwamti mkulepela kulola,Soni mesi gakusefuchila gamtiŵisye mmwejo.
12 Ana Mlungu nganaŵa kwinani kwa kwinani mnope?
Soni mlole kutalika kwa kumalo kwasili ndondwa.
13 Nambo mmwejo mwusisye kuti, ‘Ana Mlungu akumanyilila chichi?
Ana jwalakwe mpaka awelusye ali mu chipi chekulungwa?
14 Mawunde gakusamsiŵa jwalakwe mwamti akusalepela kulolaJwalakwe pakwenda mwakusyungulila mumbali mwa kwinani.’
15 Ana chimchikuya litala lyakalakalalyo,Litala lyaŵajesile ŵandu ŵakusakala
16 Ŵandu ŵele chiwa chajigele ndaŵi jawo mkanijiŵe kwana,Ŵandu ŵele fendeshoni* jawo jajigalidwe ni mesi gakusefuchila?
17 Jemanjaji ŵamsalilaga Mlungu jusyesyene kuti, ‘Atuleche!’
Soni ŵasalaga kuti, ‘Ana Jwamachiligosopejo mpaka atutende chichi m’weji?’
18 Chitamilecho jwalakwejo ni juŵagumbesye nyumba sya jemanjajo ni yindu yambone.
(Kaganisye kakusakala keleka kali kakulekangana ni kaganisye kangu.)
19 Ŵandu ŵakulungama chachilola yeleyi ni kusangalala,Soni ŵandu ŵangalemwa chachanyosya jemanjaji ni kuŵechetaga kuti,
20 ‘Adani ŵetu ajonanjidweSoni moto uchitinisya yindu yawo yakusigala,’
21 Mtende yakuti mummanyilile jwalakwe mwamti chimchiŵa pamtendele.Kaneko yindu yambone yichiyika kwa mmwejo.
22 Mpikanile malamusi gakutyochela pakamwa pakwe,Soni msunje maloŵe gakwe mumtima mwenu.
23 Naga mkuwujila kwa Jwamachiligosopejo, mmwejo chimchiwujila mwakala.Naga mkutyosya yindu yangali chilungamo mu tenti jenu,
24 Naga mkwasa golide jwenu mu luwunduSoni naga mkwasa golide jwenu jwakutyochela ku Ofili m’chitiŵi chamaganga,
25 Pelepo nikuti Jwamachiligosopejo chachiŵa golide jwenu,Soni jwalakwe chachiŵa silifa jwenu jwambone mnope.
26 Elo, chisangalalo chenu chichiŵa pa JwamachiligosopejoSoni chimchikwesya ngope jenu kwa Mlungu.
27 Chimchimŵenda jwalakwe, soni jwalakwejo chachimpikana mmwejo.Soni yindu yamwasasile kuti chimchitenda mmwejo chimchiyikwanilisya.
28 Yiliyose yamkusaka kutenda yichimjendela chenene,Soni lilanguka lichimulichila litala lyenu.
29 Pamkuŵecheta mwakulikwesya chimchitenda sooni,Nambo jwalakwe chachakulupusya ŵakulinandiya.
30 Jwalakwe chachakulupusya ŵandu ŵangalemwa.Myoyo naga magasa genu gali geswela, nditu jwalakwejo chachimkulupusya.”
Maloŵe Gamwiŵanda
^ Ŵane akusati “yilimbilimbi.”
