Yobu 20:1-29
20 Sambano Sofali jwa ku Naamati ŵamjanjile Yobu kuti:
2 “Ni ligongo lyakwetu nganisyo syangu sikundagasya kuti njanjepe basiLigongo yeleyi yikumbweteka mumtimamu.
3 Mmwejotu munyosisye une ligongo lya yamkuŵechetayo.Nambo une chinamjanjepe ligongo ndili jwalunda.
4 Ngukulupilila kuti mmwejo mkumanyilila kala ayi,Pakuŵa yiŵele yili myoyo kutandila pandaŵi jele mundu* ŵamŵisile pachilambo chapasi,
5 Kuti chisangalalo cha mundu jwakusakala chikusaŵa changatamilisyaSoni kusangalala kwa mundu jwangajogopa Mlungu* kukusaŵa kwa kandaŵi kamnono.
6 Atamose ukulu wakwe uli uyiche kwinaniSoni atamose mtwe wakwe uli upite kuja kugunda kumawunde,
7 Jwalakwe chachimala kwampaka kalakala mpela mwasikusamalila ndoŵe syakwe.Ŵandu ŵaŵamwonaga jwalakwe chachiwusya kuti, ‘Ana ŵeŵala ali kwapi?’
8 Jwalakwe chachiguluka mpela sagamisi mwamti ŵandu ngasampata.Chachimtopola jwalakwe mpela mesomkulola ga chilo.
9 Liso lyalyam’weni jwalakwejo ngasilimwonasoni,Soni malo gakwe ngasigamwonasoni jwalakwe.
10 Ŵanache ŵakwe ŵasyesyene chachaŵendaga ŵandu ŵakulaga kuti ŵatendele chanasa,Soni magasa gakwe gasyesyenego gachiwusya chipanje chiŵasumwile kwa ŵane.
11 Mawupa gakwe gakwete machili mpela ga mnyamata,Nambo machili gakwego gachimala ni kugona yimpepe ni jwalakwejo mwitaka.
12 Naga yindu yakusakala yikulyolyopela mkamwa mwakwe,Naga jwalakwe akusisa yakusakala pasi pa lulumi lwakwe,
13 Naga jwalakwe akuyisungape mwamti ngakusaka kuyilekaSoni agamba kuyiwugalila mkamwa mwakwe,
14 Yakulya yakwe yakulyolyopelayo yichiŵa yakuŵaŵa m’matumbo mwakwe.Yakulyayo yichiŵa mpela poyisoni* jwa lijoka lyakogoya m’chilu mwakwe.
15 Jwalakwe amisile chipanje, nambo chachitapika chipanjecho.Mlungu chachichityosya chipanjecho m’matumbo mwakwe.
16 Jwalakwe chachikwemba poyisoni jwa lijoka lyakogoya.Meno ga lipili gachimwulaga jwalakwe.
17 Jwalakwe ngasalolasoni sulo syamesi,Ngasasiwonasoni sulo syakusefuchila ni uchi soni mawuta.
18 Jwalakwe chachiwuchisya chipanje chakwe mkanalye chipanjecho.Ngasasangalala ni chipanje chapatile kumalonda gakwe.
19 Pakuŵa jwalakwe ŵapweteche soni ŵajasile ŵakulaga.Jwalakwe asumwile nyumba jele nganataŵa.
20 Nambo jwalakwe ngasapata mtendele mumtima mwakwe.Soni chipanje chakwe ngasichimkamuchisya jwalakwejo kutila.
21 Pangali chachisigele kuti jwalakwejo asumule.Ni ligongo lyakwe kumanyika kwakwe ngasikutama mpaka kalakala.
22 Pandaŵi jele chipanje chakwe chitupile mnope, nganisyo syakulagasya sichimtupila jwalakwe.Likungu lichimgwila jwalakwe mwamachili.
23 Jwalakwe pakulugumbasya lutumbo lwakwe,Mlungu tachimtumichisya jwalakwe ukali wakwe.Ukaliwo uchigwila pa jwalakwe ni kwinjila m’matumbo mwakwe.
24 Jwalakwe pakutila yida yangondo yachisyano,Mipamba ja ukunje wachisyano cha kopa jichimtota jwalakwe.
25 Jwalakwe akusawuchuŵa mpamba kunyuma kwakwe,Akusachuŵa chisyano chakunyesimila mu ndulu jakwe,Mwamti woga ukusamkamula jwalakwe.
26 Chipanje chakwe chichiponyedwa m’chipi chekulungwa.Moto wele pangali jwawupepelele wuchimtinisya jwalakwe.Yakusawusya yikumjembecheya jwalijose jwakulupwiche jwali mu tenti ja jwalakwejo.
27 Kwinani kuchiwunukula ulemwa wakwe,Soni chilambo chapasi chichimjimuchila jwalakwe.
28 Mesi gakusefuchila gachipyajila nyumba jakwe.Mesigo gachiŵa lusulo lwakusefuchila mnope palisiku lya ukali wa Mlungu.
29 Yeleyi ni yachachipochela mundu jwakusakala kutyochela kwa Mlungu.Chelechi chili chipanje chele Mlungu asasile kuti chachimpa jwalakwe.”
Maloŵe Gamwiŵanda
^ Kapena kuti “mtundu wa ŵandu; Adamu.”
^ Kapena kuti “jwakusapuka.”
^ Kapena kuti “ndulu.”
