Yobu 18:1-21
18 Sambano Bilidadi jwa ku Suwa jwajanjile kuti:
2 Ana chimleche chakachi kuŵecheta yeleyi?
Mlosye kuti mkusapikanichisya yindu kuti kaneko nombe m’we tuŵechete.
3 Ligongo chichi mkutuwona m’weji mpela yinyamaSoni ligongo chichi mkutujigala m’weji mpela ŵakuloŵela?
4 Atamose mmwejo mli mlikatenyekatenye ligongo lya ukaliAna chilambo mpaka chiŵe changali ŵandu ligongo lya mmwejo,Kapena lwala mpaka lutyoche pamalo gakwe ligongo lya mmwejo?
5 Lilanguka lya mundu jwakusakala chachilisimisya,Soni lilamba lya moto wakwe ngasililanguka.
6 Lilanguka lya mu tenti jakwe lichisima nditu,Soni nyali jajili mu tenti jakwe chachijisimisya.
7 Jwalakwe nganakola machili gakuti apakombole kwenda,Mapulani gakwe gamtendekasisye kuti asimane ni yakusawusya.
8 Sajo syakwe sichimtendekasya kugwila mu lwawu,Soni jwalakwe chachijendagajendaga mwelemo.
9 Chindende chakwe chichikolekwa mu chitega.Chitegacho chichimkamula jwalakwe.
10 Lukonji lwakuti lumteje jwalakwe lusisiche pasi,Soni chitega chili palitala lyakusapita.
11 Yindu yakutesya woga yisyungulile mbali syakwe syosopeSoni yikumtoposya jwalakwe mwamti yisigele panandi kumsimana.
12 Machili gakwe gakumalaSoni yakusawusya yikumtendekasya jwalakwe kwenda mwakupepeluka.*
13 Mnowu wakwe ulilicheSoni ulwele wakogoya mnope ukulya yiŵalo yakwe.
14 Jwalakwe amtyosisye pamalo gakola yakulichenjela ga tenti jakweSoni jwalakwe chachimjawusya kwa mwenye jwa yindu yakogoya.*
15 Achalendo chachitama mu tenti jakwe.*Sulufule chachimmwasanya panyumba jakwe.
16 Michiga jakwe jichijumula,Soni nyambi syakwe sichinyala.
17 Ŵandu pachilambo chapasi ngasamkumbuchilasoni jwalakweSoni lina lyakwe ngasilimanyika m’misewu.
18 Jwalakwe chachimkoposya mu kuŵala ni kumjinjisya m’chipiNambosoni chachimtopola m’chilambo chachajila.
19 Jwalakwe ngasakola ŵanache soni yisukulu pasikati pa ŵandu ŵakwe,Soni jwalakwe ngasakola jwakumkulupusya m’malo gakusatama.
20 Lisiku lyakwe lyakonasika palichiyika, ŵandu ŵa Kungapililolyuŵa chachisimonga mwawogaSoni ŵandu ŵa Kungopokolyuŵa uchakamula woga wekulungwa.
21 Yeleyi ni yayikusatendekwa ni matenti ga mundu jwakutenda yakusakalaSoni ni yayikusatendekwa ni malo ga mundu jwangammanyilila Mlungu.”
Maloŵe Gamwiŵanda
^ Kapena kuti “mwakutundajila.”
^ Pelepa akugopolela kuti “chachiwa chiwa chakupweteka.”
^ Mu Chihebeli ŵatiga, “Yindu yanganiyiŵa yakwe yichitama mu tenti jakwe.”
