Yobu 17:1-16
17 “Msimu wangu ukasiche, masiku gangu gasigele gamnono.Ku malembe kukunjembecheya.
2 Ŵandu ŵakunyosya asyungulile,Soni meso gangu galolechesye yitendo yawo yakwimuchila.
3 Chonde apochele chikole changu, ni achisunje.
Ana ŵanisoni ŵachachipelegana makono ni une ni kusalila kuti chachingamuchisya?
4 Pakuŵa wawo awunichile lunda lwa mumtima mwa jemanjaji.Ni ligongo lyakwe wawo ngakwakwesya jemanjaji.
5 Ŵanduŵa akusasalaga kuti chagaŵane chipanje chawo ni achimjawo,Chitamilecho meso ga ŵanache ŵawo gali mkulepela kulola chenene ligongo lya sala.
6 Jwalakwe andendekasisye une kuŵa chindu chakusekasya kwa ŵandu,Mwamti mbele mundu jwele ŵandu akusamsunila mata kungope.
7 Kulagasika kwangu kutendekasisye kuti meso gangu gatende chipi,Makono gangu soni ngongolo syangu syosope siŵele mpela chiwulili.
8 Ŵandu ŵamtima wambone akusimonga ni yeleyi,Yakutenda ya ŵandu ŵangamjogopa Mlungu* yikwasokonasya ŵandu ŵangalemwa.
9 Mundu jwakulungama akusalimbichila kwenda pa litala lyakwe,Soni mundu jwangali chakulemwa akusakola machili gejinji.
10 Ligongo une pangali jwanam’weni kuti akwete lunda pasikati penu,Nambo jemanja mpaka myiche wosope ni kupitilisya kukangana ni une.
11 Masiku gangu gamasile,Mapulani gangu soni yakusaka ya mtima wangu yijonasiche.
12 Jemanjaji akusachigalawusya chilo kuti chiŵe musi,Akusaŵechetaga kuti, ‘Ligongo lyakuti kwana chipi nikuti lilanguka liŵandichile.’
13 Naga ngwembecheya, Malembe* gachiŵa nyumba jangu.Une chinjitandika pa bedi jangu m’chipi.
14 Chinjilikolanga lisimbo* kuti, ‘Wawo ali baba ŵangu.’
Mbisu chinjisikolanga kuti, ‘Wawo ali mama ŵangu soni chemwali ŵangu.’
15 Ana chembecheyo changu chili kwapi?
Ana pana jwakumbona kuti ngwete chembecheyo?
16 Chichijawula* ku Malembe* gakola mageti gayisyanoPandaŵi jele wosopewe tuchijawula yimpepe ku luwundu.”
Maloŵe Gamwiŵanda
^ Kapena kuti “ŵakusapuka.”
^ Alole Kugopolela kwa Maloŵe Gane.
^ Kapena kuti “lilembe.”
^ Pelepa akwamba chembecheyo.
^ Alole Kugopolela kwa Maloŵe Gane.
