Yobu 14:1-22
14 “Mundu jwakupagwa mwa jwamkongwe akusatama kwa ndaŵi jejipi,+Soni umi wakwe ukusaŵa wegumbale ni yakusawusya.+
2 Jwalakwe akusatumbuka mpela liluŵa, kaneko akusanyala,*+Jwalakwe akusatila mpela m’bulili ni ngawonekasoni.+
3 Jemanja mkumlolechesya jwalakwe,Sonitu jemanja mkusamjimba magambo jwalakwe.*+
4 Ana mundu jwakulemwa mpaka aŵeleche mundu jwangalemwa?*+
Yeleyi nganiyiŵa yikomboleche!
5 Masiku ga munduju gali gakuŵalanjika,Winji wa myesi jakwe uli mmyala mwa wawojo.Ŵamŵichile jwalakwejo malile gakutama ni umi ni chakulinga chakuti akapelenganya malilego.+
6 Aleche kumlolechesya jwalakwe ni chakulinga chakuti apumule,Mpaka ali amalisisye lisiku lyakwe mpela mwakusatendela jwaganyu.+
7 Pakuŵa atamose chitela chikusakola chembecheyo.
Naga achikatile chikusasipukasoni,Tunyambi twakwe tukusapitilisya kukula.
8 Naga michiga jakwe jikalambele mwitakaSoni chisichi chakwe chiwilile mwitaka,
9 Pachigambile kupikana liwungo lya mesi chikusasipuka,Soni chikusakoposya nyambi mpela chitela chasambano.
10 Nambotu mundu akusawaga ni kugona ali jwangali machili galigose.Ana mundu pawile akusaŵaga ali kwapi?+
11 Mesi gakusamala m’nyasa,Soni sulo sikusapwaga ni kumula.
12 Nombenajo mundu akusagona soni jwangajimukaga.+
Atamose kwinani kuli kutyosile, jwalakwe ngasajimuka,Soni pangali jwachachimjimusya ku lugono lwakwe.+
13 Bola Malembe* gakagambile kusunga une,+Wawo akagambile kusisa une mpaka ukali wawo uli umasile,Soni wawo akaŵisile ndaŵi kuti pambesi pakwe changumbuchile une.+
14 Naga mundu awile, ana mpaka aŵesoni ni umi?+
Une chinjijembecheya kwa masiku gangu gosope ga masengo gakanganichisyaMpaka jili jikwanile ndaŵi jakuti mbumule.+
15 Wawo chachiŵilanga soni une chinjijanga.+
Wawo chachikumbila* kugawona masengo ga makono gawo.
16 Nambo apano wawo akwamba kuŵalanga mwasipondile sajo* syangu.Chakulola wawo chili yakulemwa yangupe basi.
17 Yakulemwa yangu ayiŵisile m’chisaka ni kuyitaŵaSoni ayimatile yakulemwa yangu ni yindu yakumatila.
18 Mpela yalikusati litumbi pakugumuka ni kumwasikaSoni litunguwe* ni kutyoka pamalo gakwe,
19 Mpela yagakusati maganga pakujigalika ni mesiSoni yasikusati sulo pakukokolola litaka,Yeleyo ni yatesile wawo pakonanga chembecheyo cha mundu.
20 Wawojo akusampunda machili jwalakwe mpaka juli jumasile,+Wawo akusamchenga kawoneche kakwe ni kumtopola.
21 Ŵandu akusiŵachimbichisyaga ŵanache ŵakwe, nambo jwalakwejo jwangamanyilila.Ŵandu akusiŵanyosya ŵanache ŵakwe, nambo jwalakwe jwangamanyilila ata panandi.+
22 Jwalakwe akusapikana kupweteka pandaŵi jele chilu chakwe chili chiŵela umi,Jwalakwe akusalila pandaŵi jali umi.”
Maloŵe Gamwiŵanda
^ Kagopolele kanesoni, “kaneko akusakatidwa.”
^ Mu Chihebeli ŵatiga, “mkusanjimba une magambo.”
^ Mu Chihebeli ŵatiga, “Ana mundu jwamswela mpaka aŵeleche mundu jwangaswejela.”
^ Alole mbali jakuti, Kugopolela kwa Maloŵe.
^ Kapena kuti “chachisachilila.”
^ Ŵane akusati “makawu.”
^ Litunguwe lili liganga lyekulungwa mnope soni lyenyakuche.
