Yobu 13:1-28
13 “Elo, meso gangu gayiweni yosopeyi,Mawiwi gangu gapikene yeleyi, mwamti gayipikanichisye.
2 Yakuyimanyilila jemanja, unesoni nguyimanyilila.Une nganimba jwakutuluka pakulandanya ni jemanja.
3 Kumbali jangu, nganonyele kuŵechetana ni Jwamachiligosope jwenejo.Ngukumbila kuti magambo ganguga mbechetane ni Mlungu.
4 Nambo jemanja mkumbaka une yindu yaunami.Jemanja wosope mli madokotala gangali mate.
5 Yikaŵele chenene mkagambe kutama ngaŵecheta chilichose,Yeleyi yikalosisye kuti jemanja mkwete lunda.
6 Chonde, apikane maloŵe gangu ganguŵecheta pakusaka kulichenjela,Soni apikanile kuŵenda kwakutyochela pakamwa pangu.
7 Ana jemanja mpaka mŵechete yindu yangali chilungamo mu lina lya Mlungu?Ana mpaka mŵechete yindu yachinyengo mu lina lya jwalakwe?
8 Ana jemanja mpaka mŵe kumbali jakwe?Ana jemanja mpaka mumkamuchisye Mlungu jusyesyene pa magambo gakwe?
9 Ana mpaka yimjendele chenene naga jwalakwejo akumwungunya jemanja?
Ana mpaka mumloŵesye jwalakwe mpela yampaka mjile pakumloŵesya mundu?
10 Nditu jwalakwe mpaka amjamuche jemanjaNaga jemanja mkutenda lusagu mwakusisa.
11 Ana uchimbichimbi wakwete jwalakwe nganiwuŵa umjogweye jemanja?Ana jwalakwe nganaŵa amtendekasisye woga jemanja?
12 Maloŵe genu galunda gali gangali mate mpela liwu.Maloŵe genu gakulichenjela gali gangalimbangana mpela yakuchijila yalilongo.
13 Mjile jii! kuti nombe une mbechete
Ngukunda kuti chilichose champaka chindendechele, chindendechele basi!
14 Ligongo chichi nguŵika umi wangu pangosiSoni ligongo chichi nguwujigalila umi wangu mmyala mwangu?
15 Atamose Mlungu ali ambuleje, une chimbitilisyepe kumkulupilila.Une chinjimlosya jwalakwe kuti ndili jwangalemwa.
16 Kaneko jwalakwe chachingulupusyaPakuŵa jwalijose jwangamjogopa Mlungu nganaŵa ayiche pameso pa jwalakwe.
17 Chonde, mpikanile mwakusamala maloŵe gangu.Mpikanile yakuŵecheta yangu.
18 Mlole, unetu sambano ngoseche kuti magambo gangu gaŵechetedwe.Sonitu ngumanyilila kuti une ndili jwangalemwa.
19 Ana ŵani ŵachalimbane ni une?
Unetu mpaka mbwe naga ngutama ngaŵecheta.*
20 Wawo Mlungu, andendele une yindu yiŵili,Ni chakulinga chakuti ngalisisa pameso pawo:
21 Atyosye mkono wawo wakusitopa kuti uŵe kwakutalikangana ni uneji,Soni akapitilisya kunjogoya une.
22 Ambilanje soni une chinajanjeKapena angunde une kuti mbechete, soni wawo anjanje une.
23 Ana une ndemwisye chichi, soni yakulemwa yangu yili yapi?
Asalile chindu chandemwisye soni ulemwa wangu.
24 Ligongo chichi akusisa ngope jawoNi kumbonaga une mpela mdani jwawo?
25 Ana wawo akulinga kulijogoya lisamba lyalikuwululuka ni mbungoKapena akuliwutuchila linyasi lyejumu?
26 Pakuŵa wawo akupitilisya kulemba magambo gakogoya gakulimbana ni une,Soni wawo akundendekasya une kuti njanje pa yakulemwa yanatesile ndili mnyamata.
27 Wawojo aŵisile sajo syangu m’makongwa,*Wawo akusalolechesya palipose pangwenda,Soni wawo akusakuyaga ni kulolechesyaga palipose pambondile.
28 Myoyo mundu* akusajonasika mpela chindu chinechakwe chachiwosile,Mpela chakuwala chachililidwe ni yijosolo.
Maloŵe Gamwiŵanda
^ Kagopolele kanesoni, “naga pana ŵampaka alimbane ni une, une mpaka ndame ngaŵecheta ni kuwa.”
^ Alole Kugopolela kwa Maloŵe Gane.
^ Mu Chihebeli ŵatiga, “jwalakwe.” Komboleka kuti pelepa ŵasalaga ya Yobu.
