Yobu 11:1-20
11 Sambano Sofali jwa ku Naamati ŵajanjile kuti:
2 “Ana mkupela chitugambe kutama ngamjanga pa yosope yamŵecheteyi,Ana mkuganisya kuti kuŵecheta yejinji mpaka kumtendekasye mundu kuŵa jwakulungama?
3 Ana yakuŵecheta yenu yangali mateyo mpaka yatendekasye ŵandu kutama ngaŵecheta?
Ana pangali jwampaka amjamuche pa yindu yakunyosya yamkuŵechetayi?
4 Mmwejotu mkuŵecheta kuti, ‘Yangusajiganya yili yeswela,Soni Mlungu akumanyilila kuti une ndili jwangalemwa.’
5 Nambo yikaŵe kuti Mlungu aŵecheteSoni yikaŵe kuti jwalakwe awugwile pakamwa pakwe,
6 Pelepo jwalakwe akamsalile mmwejo yindu yakusisika ya lunda.Pakuŵa lunda lusyesyene lwana mbali syejinji.
Soni pelepo mmwejo mkamanyilile kuti Mlungu akundile kuti yakulemwa yenu yine ayikululuchile.
7 Ana mmwejo mpaka myikopochele yindu yakusokoka ya Mlungu,Kapena mpaka mchikopochele chilichose chakwamba ya Jwamachiligosopejo?
8 Lunda lwa Mlungu luli lwapenani mnope kupunda kwinani. Ana mmwejo mpaka mkombole kulupikanichisya?
Luli lwakusokoka kupunda Malembe.* Ana mmwejo mpaka mkombole kulumanyilila?
9 Lundalo luli lwelewu kupunda chilambo chapasiSoni luli lwetambasukuche kupunda nyasa.
10 Naga jwalakwe akupita ni kumkamula mundu jwine kaneko ni kumjawusya ku luŵala lwamagambo,Ana ŵani ŵampaka amlekasye?
11 Jwalakwetu akusamanyilila ŵandu pakutenda yachinyengo.
Jwalakwe payiweni yakusakala, ana mpaka agambe kutama ngatenda chilichose?
12 Nambo mundu jwakuloŵela mpaka aŵe jwakupikanichisya yindu,Akaŵe naga bulu jwamwitinji akuŵeleka mundu.
13 Yikaliji chenene mkalinganye mtima wenuNi kukwesya makono genu kwa jwalakwe.
14 Naga mkono wenu ukutenda yindu yakusakala, mwuŵiche kwakutalikangana ni mmwejo.Soni mkakunda kuti yindu yangali chilungamo yitame m’matenti genu.
15 Pakuŵa pelepo mkanyakwile ngope jenu mli ŵangali sooni,Mkajimi mwakulimbangana mli ŵangali woga.
16 Soni pelepo chimchiliŵalila yakusawusya yenu,Chimchiyikumbuchila yakusawusyayo mpela kuti galiji mesi gagagambile kumpita mmwejo.
17 Umi wenu uchiŵa wakuŵala kupunda kuŵala kwa musi,Atamose yakusawusya ya paumi wenu yichiŵa yakulanguka mpela kundaŵi.
18 Chimchiŵa ŵakulimba mtima ligongo lyakola chembecheyo,Chimchilola kulikose soni kugona pali pangali chakuchijogopa.
19 Chimchigona pasi pali pangali jwalijose jwakumjogoya,Mwamti ŵandu ŵajinji chachiŵenda kuti mwalosye umbone mtima.
20 Nambo meso ga ŵandu ŵakusakala, gachileka kulola.Soni jemanjaji ngasapata malo gakutilila,Mwamti chindu chele chachimchijembecheyaga chili chiwa basi.”
Maloŵe Gamwiŵanda
^ Alole Kugopolela kwa Maloŵe Gane.
