Numeli 26:1-65
-
Kalembela jwaŵili jwa mbumba sya Isalayeli (1-65)
26 Pawamasile mlili ula, Yehofa ŵamsalile Mose soni Eliyesala mwanache jwa jwakutaga mbopesi Aloni kuti,
2 “Mtende kalembela jwa mtundu wosope wa Ayisalayeli. Mwaŵalanje achalume wosope ŵakutandila yaka 20 kwawulaga msogolo ŵakuŵajilwa kuŵa mu gulu ja asilikali ŵa Ayisalayeli. Mwalembe jemanjajo mwakamulana ni mena ga achinangolo ŵawo.”
3 Myoyo Mose soni jwakutaga mbopesi Eliyesala ŵaŵechetene ni ŵanduwo mu chipululu cha Mowabu chachaliji mwakulolegana ni msinda wa Yeliko wawaliji ku lisi line lya Lusulo lwa Yolodani.
4 Ŵasalile jemanjajo kuti, “Mtende kalembela jwa achalume ŵa yaka yakutandila 20 kwawulaga msogolo, mpela yatite Yehofa pakumlamula Mose.”
Sambano ŵanache ŵa Isalayeli ŵaŵakopweche m’chilambo cha Iguputo ni aŵa:
5 Pa ŵanache ŵa Lubeni, juŵaliji mwanache jwandanda kupagwa jwa Isalayeli, papali Hanoki. Maŵasa gosope ga ŵanache ŵa Hanoki gamanyikaga ni lina lya nangolo jwawo lyakuti Hanoki. Lubeni ŵaŵelechesoni Palu. Maŵasa gosope ga ŵanache ŵa Palu gamanyikaga ni lina lya nangolo jwawo lyakuti Palu.
6 Papalisoni Hesiloni. Maŵasa gosope ga ŵanache ŵa Hesiloni gamanyikaga ni lina lya nangolo jwawo lyakuti Hesiloni. Nambosoni papali Kalimi. Maŵasa gosope ga ŵanache ŵa Kalimi gamanyikaga ni lina lya nangolo jwawo lyakuti Kalimi.
7 Gelega ni gagaliji maŵasa gakutyochela mu mbumba* ja Lubeni. Ŵandu wosope ŵakutyochela mu mbumbaji ŵaŵalembile mena gawo ŵakwanile 43,730.
8 Mwanache jwa Palu ŵaliji Eliyabu.
9 Ŵanache ŵa Eliyabu ŵaliji Nemuyele, Datani soni Abilamu. Datani soni Abilamu ŵaliji ŵane mwa achakulungwakulungwa ŵaŵajimilaga ŵanduwo. Jemanjajo pampepe ni gulu ja Kola ŵalimbene ni Mose soni Aloni pandaŵi jiŵamjimuchile Yehofa.
10 Pambesi pakwe chilambo chawugwiche ni kwamila jemanjajo. Nambo pakwamba ya Kola, jwalakwe ŵawile pandaŵi jele moto watinisyaga achalume ŵaŵasongene ŵakwana 250 ŵaŵaliji kumbali jakwe. Yayatendecheleyi yaliji mpela chimanyisyo chakuti chakalamusyeje ŵandu ŵane.
11 Nambope pandaŵiji ŵanache ŵa Kola nganawa.
12 Ŵanache ŵa Simiyoni mwakamulana ni maŵasa gawo ŵaliji aŵa: Jwalakwe ŵaŵeleche Nemuyele. Maŵasa gosope ga ŵanache ŵa Nemuyele gamanyikaga ni lina lya nangolo jwawo lyakuti Nemuyele. Ŵaŵelechesoni Yamini. Maŵasa gosope ga ŵanache ŵa Yamini gamanyikaga ni lina lya nangolo jwawo lyakuti Yamini. Papalisoni Yakini. Maŵasa gosope ga ŵanache ŵa Yakini gamanyikaga ni lina lya nangolo jwawo lyakuti Yakini.
13 Jwinesoni ŵaliji Sela. Maŵasa gosope ga ŵanache ŵa Sela gamanyikaga ni lina lya nangolo jwawo lyakuti Sela. Nambosoni papali Salo. Maŵasa gosope ga ŵanache ŵa Salo gamanyikaga ni lina lya nangolo jwawo lyakuti Salo.
14 Gelega ni gagaliji maŵasa gakutyochela mu mbumba ja Simiyoni. Ŵandu wosope ŵakutyochela mu mbumbaji ŵaŵalembile mena gawo ŵakwanile 22,200.
15 Ŵanache ŵa Gadi mwakamulana ni maŵasa gawo ŵaliji aŵa: Jwalakwe ŵaŵeleche Sefoni. Ŵanache wosope ŵa Sefoni ŵamanyikaga ni lina lya nangolo jwawo lyakuti Sefoni. Ŵaŵelechesoni Hagi. Maŵasa gosope ga ŵanache ŵa Hagi gamanyikaga ni lina lya nangolo jwawo lyakuti Hagi. Papalisoni Suni. Maŵasa gosope ga ŵanache ŵa Suni gamanyikaga ni lina lya nangolo jwawo lyakuti Suni.
16 Jwinesoni ŵaliji Osini. Maŵasa gosope ga ŵanache ŵa Osini gamanyikaga ni lina lya nangolo jwawo lyakuti Osini. Papalisoni Eli. Maŵasa gosope ga ŵanache ŵa Eli gamanyikaga ni lina lya nangolo jwawo lyakuti Eli.
17 Papalisoni Alodi. Maŵasa gosope ga ŵanache ŵa Alodi gamanyikaga ni lina lya nangolo jwawo lyakuti Alodi. Nambosoni papali Aleli. Maŵasa gosope ga ŵanache ŵa Aleli gamanyikaga ni lina lya nangolo jwawo lyakuti Aleli.
18 Gelega ni gagaliji maŵasa ga ŵanache ŵa Gadi. Ŵandu wosope ŵakutyochela mu mbumba ja Gadi ŵaŵalembile mena gawo ŵakwanile 40,500.
19 Ŵanache ŵa Yuda ŵaliji Ele soni Onani. Nambope ŵanacheŵa ŵawilile m’chilambo cha Kanani.
20 Ŵanache ŵane ŵa Yuda mwakamulana ni maŵasa gawo ŵaliji aŵa: Jwalakwe ŵaŵeleche Shela. Maŵasa gosope ga ŵanache ŵa Shela gamanyikaga ni lina lya nangolo jwawo lyakuti Shela. Papalisoni Pelesi. Maŵasa gosope ga ŵanache ŵa Pelesi gamanyikaga ni lina lya nangolo jwawo lyakuti Pelesi. Nambosoni papali Sela. Maŵasa gosope ga ŵanache ŵa Sela gamanyikaga ni lina lya nangolo jwawo lyakuti Sela.
21 Ŵanache ŵa Pelesi ŵaliji aŵa: Jwalakwe ŵaŵeleche Hesiloni. Maŵasa gosope ga ŵanache ŵa Hesiloni gamanyikaga ni lina lya nangolo jwawo lyakuti Hesiloni. Nambosoni ŵaŵeleche Hamuli. Maŵasa gosope ga ŵanache ŵa Hamuli gamanyikaga ni lina lya nangolo jwawo lyakuti Hamuli.
22 Gelega ni gagaliji maŵasa gakutyochela mu mbumba ja Yuda. Ŵandu wosope ŵakutyochela mu mbumbaji ŵaŵalembile mena gawo ŵakwanile 76,500.
23 Ŵanache ŵa Isakala mwakamulana ni maŵasa gawo ŵaliji aŵa: Jwalakwe ŵaŵeleche Tola. Maŵasa gosope ga ŵanache ŵa Tola gamanyikaga ni lina lya nangolo jwawo lyakuti Tola. Ŵaŵelechesoni Pufa. Maŵasa gosope ga ŵanache ŵa Pufa gamanyikaga ni lina lyakuti Puni.
24 Papalisoni Yasubu. Maŵasa gosope ga ŵanache ŵa Yasubu gamanyikaga ni lina lya nangolo jwawo lyakuti Yasubu. Nambosoni papali Similoni. Maŵasa gosope ga ŵanache ŵa Similoni gamanyikaga ni lina lya nangolo jwawo lyakuti Similoni.
25 Gelega ni gagaliji maŵasa gakutyochela mu mbumba ja Isakala. Ŵandu wosope ŵakutyochela mu mbumbaji ŵaŵalembile mena gawo ŵakwanile 64,300.
26 Ŵanache ŵa Sebuloni mwakamulana ni maŵasa gawo ŵaliji aŵa: Jwalakwe ŵaŵeleche Selede. Maŵasa gosope ga ŵanache ŵa Selede gamanyikaga ni lina lya nangolo jwawo lyakuti Selede. Ŵaŵelechesoni Eloni. Maŵasa gosope ga ŵanache ŵa Eloni gamanyikaga ni lina lya nangolo jwawo lyakuti Eloni. Nambosoni papali Yahaleeli. Maŵasa gosope ga ŵanache ŵa Yahaleeli gamanyikaga ni lina lya nangolo jwawo lyakuti Yahaleeli.
27 Gelega ni gagaliji maŵasa gakutyochela mu mbumba ja Sebuloni. Ŵandu wosope ŵakutyochela mu mbumbaji ŵaŵalembile mena gawo ŵakwanile 60,500.
28 Ŵanache ŵa Yosefe mwakamulana ni maŵasa gawo ŵaliji aŵa: Papali Manase nambosoni Efulayimu.
29 Manase ŵaŵeleche Makili. Maŵasa gosope ga ŵanache ŵa Makili gamanyikaga ni lina lya nangolo jwawo lyakuti Makili. Makili ŵaŵeleche Giliyadi. Maŵasa gosope ga ŵanache ŵa Giliyadi gamanyikaga ni lina lya nangolo jwawo lyakuti Giliyadi.
30 Ŵanache ŵa Giliyadi ŵaliji aŵa: Jwalakwe ŵaŵeleche Iyeseli. Maŵasa gosope ga ŵanache ŵa Iyeseli gamanyikaga ni lina lya nangolo jwawo lyakuti Iyeseli. Ŵaŵelechesoni Heleki. Maŵasa gosope ga ŵanache ŵa Heleki gamanyikaga ni lina lya nangolo jwawo lyakuti Heleki.
31 Papalisoni Asiliyeli. Maŵasa gosope ga ŵanache ŵa Asiliyeli gamanyikaga ni lina lya nangolo jwawo lyakuti Asiliyeli. Jwinesoni ŵaliji Sekemu. Maŵasa gosope ga ŵanache ŵa Sekemu gamanyikaga ni lina lya nangolo jwawo lyakuti Sekemu.
32 Papalisoni Semida. Maŵasa gosope ga ŵanache ŵa Semida gamanyikaga ni lina lya nangolo jwawo lyakuti Semida. Nambosoni papali Hefa. Maŵasa gosope ga ŵanache ŵa Hefa gamanyikaga ni lina lya nangolo jwawo lyakuti Hefa.
33 Hefa ŵaŵeleche Selofekadi. Sambano Selofekadi nganakola ŵanache ŵachalume ŵagambile kola ŵanache ŵachakongwe basi. Mena ga ŵanache ŵachakongwe ŵa Selofekadi galiji aga: Mala, Nowa, Hogila, Milika nambosoni Tilisa.
34 Gelega ni gagaliji maŵasa gakutyochela mu mbumba ja Manase. Ŵandu wosope ŵaŵalembile mena gawo ŵakwanile 52,700.
35 Ŵanache ŵa Efulayimu mwakamulana ni maŵasa gawo ŵaliji aŵa: Jwalakwe ŵaŵeleche Sutela. Maŵasa gosope ga ŵanache ŵa Sutela gamanyikaga ni lina lya nangolo jwawo lyakuti Sutela. Ŵaŵelechesoni Bekeli. Maŵasa gosope ga ŵanache ŵa Bekeli gamanyikaga ni lina lya nangolo jwawo lyakuti Bekeli. Nambosoni papali Tahani. Maŵasa gosope ga ŵanache ŵa Tahani gamanyikaga ni lina lya nangolo jwawo lyakuti Tahani.
36 Sutela ŵaŵeleche Elani. Maŵasa gosope ga ŵanache ŵa Elani gamanyikaga ni lina lya nangolo jwawo lyakuti Elani.
37 Gelega ni gagaliji maŵasa ga ŵanache ŵa Efulayimu. Ŵandu wosope ŵakutyochela mu mbumba ja Efulayimu ŵaŵalembile mena gawo ŵakwanile 32,500. Yeleyi ni yayaliji yisukulu ya Yosefe mwakamulana ni maŵasa gawo.
38 Ŵanache ŵa Benjamini mwakamulana ni maŵasa gawo ŵaliji aŵa: Jwalakwe ŵaŵeleche Bela. Maŵasa gosope ga ŵanache ŵa Bela gamanyikaga ni lina lya nangolo jwawo lyakuti Bela. Ŵaŵelechesoni Asibele. Maŵasa gosope ga ŵanache ŵa Asibele gamanyikaga ni lina lya nangolo jwawo lyakuti Asibele. Papalisoni Ahilamu. Maŵasa gosope ga ŵanache ŵa Ahilamu gamanyikaga ni lina lya nangolo jwawo lyakuti Ahilamu.
39 Papalisoni Sefufamu. Maŵasa gosope ga ŵanache ŵa Sefufamu gamanyikaga ni lina lyakuti Supimu. Nambosoni papali Hufamu. Maŵasa gosope ga ŵanache ŵa Hufamu gamanyikaga ni lina lya nangolo jwawo lyakuti Hufamu.
40 Bela ŵaŵeleche Alidi soni Namani. Maŵasa gosope ga ŵanache ŵa Alidi gamanyikaga ni lina lya nangolo jwawo lyakuti Alidi. Maŵasa gosope ga ŵanache ŵa Namani gamanyikaga ni lina lya nangolo jwawo lyakuti Namani.
41 Ŵeleŵa ni ŵaŵaliji ŵanache ŵa Benjamini mwakamulana ni maŵasa gawo. Ŵandu wosope ŵakutyochela mu mbumba ja Benjamini ŵaŵalembile mena gawo ŵakwanile 45,600.
42 Maŵasa gakutyochela mwa Dani galiji aga: Jwalakwe ŵaŵeleche Suhamu. Maŵasa gosope ga ŵanache ŵa Suhamu gamanyikaga ni lina lya nangolo jwawo lyakuti Suhamu. Gelega ni gagaliji maŵasa gakutyochela mu mbumba ja Dani.
43 Ŵandu wosope ŵaŵalembile mena gawo ŵakutyochela m’maŵasa ga Suhamu ŵakwanile 64,400.
44 Ŵanache ŵa Aseli mwakamulana ni maŵasa gawo ŵaliji aŵa: Jwalakwe ŵaŵeleche Imuna. Maŵasa gosope ga ŵanache ŵa Imuna gamanyikaga ni lina lya nangolo jwawo lyakuti Imuna. Ŵaŵelechesoni Isifi. Maŵasa gosope ga ŵanache ŵa Isifi gamanyikaga ni lina lya nangolo jwawo lyakuti Isifi. Nambosoni papali Beliya. Maŵasa gosope ga ŵanache ŵa Beliya gamanyikaga ni lina lya nangolo jwawo lyakuti Beliya.
45 Ŵanache ŵa Beliya ŵaliji aŵa: Jwalakwe ŵaŵeleche Hebeli. Maŵasa gosope ga ŵanache ŵa Hebeli gamanyikaga ni lina lya nangolo jwawo lyakuti Hebeli. Nambosoni ŵaŵeleche Malakiyeli. Maŵasa gosope ga ŵanache ŵa Malakiyeli gamanyikaga ni lina lya nangolo jwawo lyakuti Malakiyeli.
46 Aseli ŵaŵelechesoni mwanache jwamkongwe lina lyakwe Sela.
47 Gelega ni gagaliji maŵasa ga ŵanache ŵa Aseli. Ŵandu wosope ŵaŵalembile mena gawo ŵakutyochela mu mbumba ja Aseli ŵakwanile 53,400.
48 Ŵanache ŵa Nafitali mwakamulana ni maŵasa gawo ŵaliji aŵa: Jwalakwe ŵaŵeleche Yahaseeli. Maŵasa gosope ga ŵanache ŵa Yahaseeli gamanyikaga ni lina lya nangolo jwawo lyakuti Yahaseeli. Ŵaŵelechesoni Guni. Maŵasa gosope ga ŵanache ŵa Guni gamanyikaga ni lina lya nangolo jwawo lyakuti Guni.
49 Papalisoni Yesa. Maŵasa gosope ga ŵanache ŵa Yesa gamanyikaga ni lina lya nangolo jwawo lyakuti Yesa. Nambosoni papali Silemu. Maŵasa gosope ga ŵanache ŵa Silemu gamanyikaga ni lina lya nangolo jwawo lyakuti Silemu.
50 Gelega ni gagaliji maŵasa gakutyochela mu mbumba ja Nafitali. Ŵandu wosope ŵaŵalembile mena gawo ŵakutyochela mu mbumbaji ŵakwanile 45,400.
51 Myoyo Ayisalayeli ŵaŵalembile mena gawo wosope pampepe ŵakwanile 601,730.
52 Panyuma pakwe, Yehofa ŵamsalile Mose kuti,
53 “Mkachigaŵe chilambocho kwa ŵandu ŵeleŵa mwakamulana ni mena gamlembilego* kuti chikaŵe chipanje chawo.
54 Mbumba jajikwete ŵandu ŵajinji mjipe malo gekulungwa soni mbumba jajikwete ŵandu ŵamnono mjipesoni malo gamwana. Gulu jilijose mjipe malo kuti gaŵe chipanje chawo mwakamulana ni winji wa ŵandu ŵamwalembile mena gawo.
55 Nambope chilambocho mkachigaŵe mwakutenda kalotalota.* Liŵasa lililyose lipochele malo kuti gaŵe chipanje chawo kutyochela pamalo gajipochele mbumba jawo.
56 Mbumba jilijose, chinga jamwana kapena jekulungwa, jipocheleje malo kuti gaŵe chipanje chawo mwakutenda kalotalota.”
57 Sambano ŵanache ŵa Lefi ŵaŵalembesye mena gawo mwakamulana ni maŵasa gawo ŵaliji aŵa: Jwalakwe ŵaŵeleche Gelisoni. Maŵasa gosope ga ŵanache ŵa Gelisoni gamanyikaga ni lina lya nangolo jwawo lyakuti Gelisoni. Ŵaŵelechesoni Kohati. Maŵasa gosope ga ŵanache ŵa Kohati gamanyikaga ni lina lya nangolo jwawo lyakuti Kohati. Nambosoni papali Melali. Maŵasa gosope ga ŵanache ŵa Melali gamanyikaga ni lina lya nangolo jwawo lyakuti Melali.
58 Aga ni gagaliji maŵasa ga yisukulu yine ya Lefi: Papali liŵasa lya Libini, liŵasa lya Hebuloni, liŵasa lya Mahili, liŵasa lya Musi nambosoni papali liŵasa lya Kola.
Kohati ŵaŵeleche Amulamu.
59 Ŵamkwawo Amulamu ŵaliji Yokebedi. Jweleju ŵaliji mwanache jwamkongwe jwa Lefi juŵamŵelechele m’chilambo cha Iguputo. Yokebedi ŵamŵelechele Amulamu ŵanache aŵa: Aloni, Mose nambosoni Miliyamu mlumbugwawo.
60 Kaneko Aloni ŵaŵeleche Nadabu, Abihu, Eliyesala soni Itamala.
61 Nambo Nadabu ni Abihu ŵawile ligongo lyakupeleka mbopesi kwa Yehofa pakamulichisya masengo moto wakutindana ni malamusi.
62 Achalume wosope ŵakutyochela mu mbumba ja Lefi ŵaŵalembile mena gawo ŵakwanile 23,000. Yaka ya achalume ŵeleŵa yaliji kutandila mwesi umo kwawulaga msogolo. Jemanjaji nganiŵalemba pakalembela jwa Ayisalayeli ŵane jula. Yeleyi yaliji myoyo ligongo lyakuti jemanjaji nganasosekwaga kupochela malo pasikati pa Ayisalayeli kuti gaŵe chipanje chawo.
63 Ŵeleŵa ali ŵandu ŵele Mose soni jwakutaga mbopesi Eliyesala ŵalembile mena gawo pandaŵi jiŵalembaga Ayisalayeli wosope mu chipululu cha Mowabu chachaliji mwakulolegana ni msinda wa Yeliko wawaliji ku lisi line lya Lusulo lwa Yolodani.
64 Nambo pa ŵandu ŵaŵalembileŵa nganipasimanikwa mundu jwalijose juŵamlembile Mose soni jwakutaga mbopesi Aloni pa kalembela jwandanda jwa Ayisalayeli juŵatendechele mu chipululu cha Sinai.
65 Yeleyi yaliji myoyo ligongo lyakuti Yehofa pakwamba ya jemanjaji ŵatite, “Nditu jemanjaji chawile mu chipululu munomuno.” Ni ligongo lyakwe pangali mundu atamose jumo juŵasigele akaŵepe Kalebe mwanache jwa Yefune soni Yoswa mwanache jwa Nuni basi.
Maloŵe Gamwiŵanda
^ Mundamo ja Ayuda msyenembumba ŵaŵaga mtati, mwakulekangana ni ndamo ja Ayawo jele msyenembumba akusaŵaga mjomba.
^ Kapena kuti, “mwakamulana ni winji wa ŵandu ŵamwalembile mena gawo.”
^ Ŵane akusati “mayele.”
