Misyungu 5:1-23
5 Mwanangu mtejele mawiwi genu ku maloŵe gangu galunda.
Mumbikanile mwakusamala pangumsalila yindu yampaka yimkamuchisye kuti mpikanichisyeje yindu,
2 Ni chakulinga chakuti mjichenjele ndamo jenu ja kuganisya cheneneSoni kuti ngomo syenu sikuchenjeleje kumanyilila yindu.
3 Pakuŵa ngomo sya jwamkongwe jwakutenda yakusakala* sikusasulula uchi mpela masyega,Soni jwalakwe akusaŵecheta maloŵe gakwakopa ŵandu.*
4 Nambo pambesi pakwe jwalakwe akusaŵaŵa mpela yakumela yakuŵaŵaSoni akusatema mpela upanga* wakutema kosekose.
5 Sajo syakwe sikusajinjilila kuchiwa.
Sajo syakwe sikusalongolela ku Malembe.*
6 Jwalakwe jwangaganichisya ya litala lya ku umi.
Jwalakwe akusajendajenda, nambo jwangamanyilila kwakwinjilila.
7 Sambano ŵanangu mumbikanile uneSoni mkayileka yindu yangumsalilayi.
8 Mumtalichileje jwamkongwejo.Mkaŵandichilaga mlango wakwinjilila m’nyumba jakwe.
9 Ni chakulinga chakuti mkajonanga mbili jenuSoni kuti yaka yenu yikamala mli mkusimana ni yakusawusya.
10 Ni chakulinga chakuti achalendo akamjonanjila yindu yenuSoni kuti yindu yamwayipatile mwakulajilila yikajawula ku nyumba ja mundu jwachilendo.
11 Naga ngamkutenda yeleyi chimchilila mwakuwuwula kumbesi kwa umi wenuPandaŵi jele mnowu soni chilu chenu yichiŵa yangali machili soni yichijonasika.
12 Mwamti chimchiŵecheta kuti, “Naŵenganaga ni kunjamuka une.
Mtima wangu wanyosyaga maloŵe gakunjamuka.
13 Une nganimbikanilaga maloŵe ga ŵandu ŵakusalila yakutendaSoni nganindejelaga liwiwi kwa ŵandu ŵakunjiganya.
14 Sambano ngambile kusigala panandi pene kuti njonasichePasikati pa mpingo wosope.”*
15 Mmweje mesi ga m’chisima chenuSoni mesi gagakwenda kutyochela m’chisima chenu.
16 Ana mesi genu gajasichileje pasa?Ana sulo sya mesi sikayicheje mpaka kumaluŵala ga mumsinda?
17 Yeleyi yiŵe yenupe basi,Soni mkagaŵanaga ni achalendo.
18 Chisima chenu chiŵe chana upile,Soni msangalaleje ni ŵakongwe ŵakuwunyamata wenu,
19 Jwalakwe aŵe mpela mbaŵala jekongwe jachinonyelo, aŵe mpela kambusi kakusalala ka m’matumbi.
Mjikutileje* ni maŵele gakwe ndaŵi syosope.
Chinonyelo cha jwalakwe chimsangalasyeje ndaŵi syosope.
20 Sano mwanangu ana pana ligongo lyakumtendekasya kusangalala ni jwamkongwe jwakusakala*Kapena kumkumbatila jwamkongwe jwachikululu?*
21 Ligongotu Yehofa akusayiwona yakutenda ya mundu.Jwalakwe akusawungunya matala gakwe gosope.
22 Mundu jwakusakala akusatanjila mu yakulemwa yakwe,Soni jwalakwe akusatanjila ni ngonji sya ulemwa wakwe.
23 Jwalakwe chachiwa ligongo lyangapikanila yakumjamuka,Soni chachisokonechela ligongo lyakutenda yindu mwakuloŵela mnope.
Maloŵe Gamwiŵanda
^ Mu Chihebeli ŵatiga, “jwachilendo.” Alole pa Misyungu 2:16.
^ Mu Chihebeli ŵatika, “mkamwa mwakwe muli mwetililiche kupunda mawuta.”
^ Upanga ukusawoneka mpela chipula chekulungwa chakutema kosekose.
^ Alole Kugopolela kwa Maloŵe Gane.
^ Mu Chihebeli ŵatiga, “Pasikati pa gulu ja ŵandu soni mpingo.”
^ Kapena kuti “Msangalaleje.”
^ Mu Chihebeli ŵatiga, “jwachilendo.” Alole Misyungu 2:16.
^ Mu Chihebeli ŵatiga, “jwachilendo.” Alole Misyungu 2:16.
