Misyungu 23:1-35
23 Pamtemi pasi kuti mlye yimpepe ni mwenye,Mlolechesyeje yindu yayili pasogolo penu.
2 Mlilekasyeje*Naga mkusachilila mnope kulya.
3 Mkakumbilaga yakulya ya mwenyewo yayili yakunong’a,Pakuŵa yeleyo yili yakulya yachinyengo.
4 Mkalipesyaga jika ni kusosasosa chipanje.
Mleche kutenda yeleyi ni mlosye kuti mli ŵakupikanichisya yindu.*
5 Pamkuchilolechesya chipanjecho, chikusaŵa kuti nganichiŵa pelepo,Pakuŵa chikusamela mapapiko ni kuguluka mwinani mpela ngwasi.
6 Mkalyaga yakulya ya mundu jwaumbombo.*Mkakumbilaga yakulya yakwe yakunong’a,
7 Pakuŵa mundu mpela jwelejo akusalolechesyaga winji wa yakulya yamkulya
Jwalakwe akusaŵecheta kuti, “Mlye ni kumwa,” nambo pasi pamtima ali ngakugopolela yeleyo.
8 Chimchitapika yakulya yamlileyoSoni maloŵe genu gakuyamichila gachijawula pachabe.
9 Mkachijiganyaga chisilu,Pakuŵa jwalakwe chachinyosya maloŵe genu galunda.
10 Mkatukusyaga malile gakalakala ga maloKapena kwinjilila mgunda wa mwanache jwamasije.*
11 Pakuŵa jwakwachenjela* jemanjaji ali jwamachili.Jwalakwe chachajimila jemanjajo pamagambo gakulimbana ni mmwejo.
12 Msunjeje mumtima mwenu maloŵe gakwamukaMtejele liwiwi lyenu ni kupikanila maloŵe gakulosya kumanyilila yindu.
13 Mkalepela kumjamuka mwanache,
Pakuŵa nganijuŵa juwile ligongo lya kumkwapula ni chikoti.
14 Mumkwapuleje jwalakwe ni chikotiNi chakulinga chakuti mumkulupusye kuti akajawula ku Malembe.*
15 Mwanangu, naga mtima wenu ukuŵa walunda,Nikuti mtima wangu uchisangalala.
16 Mkati mwangu* muchisangalalaNaga pakamwa penu pakuŵecheta yakuŵajilwa.
17 Mtima wenu ukatendelaga jelasi ŵandu ŵakulemwa,Nambo mumjogopeje Yehofa ndaŵi syosope.
18 Naga mkutenda myoyo, chimchikola sogolo jamboneSoni yosope yamkwembecheya yichitendekwa.
19 Mwanangu, mpikanile kuti mŵe ŵalundaSoni mwulongoleleje mtima wenu ku litala lyakuŵajilwa.
20 Mkaŵaga mgulu ja ŵandu ŵakumwa mnope ukana,Mkaŵaga mgulu ja ŵandu ŵakusalya nyama mwakutunduka.
21 Pakuŵa mundu jwamkologo soni jwakutunduka chachiŵa jwakulaga,Soni kugwesela kuchimtendekasya mundu kuwala yiwisa.
22 Mwapikanileje baba ŵenu ŵaŵatendekasisye mmwejo kuti mpagweSoni mkanyosyaga mama ŵenu ligongo lyakuti achekulwipe.
23 Msume yayili yisyene soni mkayisumisyaMsumesoni lunda, maloŵe gakwamuka soni kupikanichisya yindu.
24 Baba jwa mwanache jwakulungama chachisangalala nditu.Soni baba ŵaŵaŵeleche mwanache jwalunda chachisangalala najo.
25 Baba ŵenu soni mama ŵenu chachisangalala,Soni jwamkongwe juŵamŵeleche mmwejo chachiŵa jwakusangalala.
26 Mwanangu, mumbe mtima wenuSoni meso genu gasangalaleje ni matala gangu.
27 Pakuŵa lihule lili mpela lisimbo lyakusokokaSoni jwamkongwe jwachikululu* ali mpela chisima chakanganika.
28 Jwalakwe akusajuŵa ni kulindililaga mpela jwachiswamba.Jwalakwe akusajonjechesya chiŵalanjilo cha achalume ŵangakulupichika.
29 Ana ŵani ŵakwete likungu? Ŵani ŵakwete kulagasika nganisyo?
Ana ŵani ŵakwete yakangana? Ŵani ŵakwete yakudandawula?
Ana ŵani ŵakwete maŵanga pali pangali magongo? Soni ŵani ŵakwete meso gakupela?
30 Ali ŵele ŵakusamwa mnope ukana.Ŵandu ŵakusasosasosa* finyo jwam’wanganye.
31 Mkajigalikaga mtima ni uchejewu wa finyoPajukunyesimila m’chikapu soni pajukunong’a juli mkwinjila kungulo,
32 Pakuŵa pambesi pakwe jukusaluma mpela lijoka,Soni jukusakoposya poyisoni mpela lipili.
33 Meso genu gachilola yindu yachilendo,Soni mtima wenu uchiŵecheta yindu yakunyosya.
34 Chimchiŵa mpela mundu jwagonile pasikati pa nyasa,Mpela mundu jwagonile pasonga pasyesyene pa sitima.
35 Chimchiŵecheta kuti, “Ambutile, nambo nganimbikana kupweteka.
Andimbile, nambo nganimanyilila.
Ana chimjimuche ndaŵichi?
Ngusakasoni kumwa ukana wine.”
Maloŵe Gamwiŵanda
^ Mu Chihebeli ŵatiga, “Mŵicheje chipula kungulo kwenu.”
^ Kagopolele kanesoni, “mleche kuliwona kuti mli ŵakupikanichisya yindu.”
^ Kapena kuti “jwalijose jwakwete liso lyakusakala; jwakuwumila.”
^ Mu Chihebeli ŵatiga, “mwanache jwangali babagwe.”
^ Mu Chihebeli ŵatiga “jwakwawombola.”
^ Alole Kugopolela kwa Maloŵe Gane.
^ Kapena kuti “Mbyo syangu sichisangalala.”
^ Mu Chihebeli ŵatiga, “jwamkongwe jwachilendo.” Alole pa Misyungu 2:16.
^ Kapena kuti “ŵakusasongangana kuti apasye finyo jwam’wanganye.”
