Misyungu 2:1-22
2 Mwanangu naga mkupikanila maloŵe gangu,Ni kugasunga malamusi gangu mpela chipanje chamtengo wapenani,
2 Mwakutejela liwiwi lyenu ku maloŵe galunda,Soni mwakuwugula mtima wenu kuti mŵe ŵakumanyilila yindu,
3 Nambosoni naga mkuŵenda kuti mŵe ŵakupikanichisya yindu,Soni naga mkuchondelela kuti mŵe ŵakumanyilila yindu.
4 Naga mkupitilisya kuyisosasosa yindu yeleyi mpela silifa,Soni naga mkupitilisya kuyisosasosa mpela chipanje chakusisika.
5 Pelepo chimchipikanichisya kuti ana kumjogopa Yehofa kukusagopolela chichi,Soni chimchimmanyilila Mlungu yisyesyene.
6 Pakuŵa Yehofa ni jwakusapeleka lunda.Kumanyilila yindu soni kupikanichisya yindu kukusatyochela mkamwa mwakwe.
7 Jwalakwe akusiŵasunjila lunda lusyesyene ŵandu ŵakulungama.Jwalakwe ali chakulichinjilichisya cha ŵandu ŵakwenda mwakulupichika.
8 Jwalakwe akusagalolelaga matala ga ŵandu ŵachilungamo,Soni jwalakwe chachilolela litala lya ŵandu ŵakwe ŵakulupichika.
9 Pelepo chimchipikanichisya yindu yakulungama soni yambone ni yangali chinyengo,Soni chimchipikanichisya litala lyambone lyamkusosekwa kukuya.
10 Lunda paluchijinjila mumtima mwenuSoni kumanyilila yindu pakuchiŵa kwakusangalasya mu umi wenu,
11 Kuganichisya chenene kuchimlolela mmwejo,Soni kupikanichisya yindu kuchimchenjela,
12 Kuti yimkulupusye mmwejo pa litala lyakusakala,Soni kuti yimkulupusye kwa mundu jwakuŵecheta yangalondeka.
13 Yichimkulupusya kwa ŵandu ŵakuleka matala gakulungamaKuti ajendeje m’matala ga chipi,
14 Kwa ŵandu ŵakusasangalala pakutenda yakusakala,Ŵakusasangalala ni yindu yachabe,
15 Ŵandu ŵele matala gawo gali gepindichepindicheŴandu ŵele matala gawo gosope gali gachinyengo.
16 Lunda luchimkulupusya mmwejo kwa jwamkongwe jwakusakala,*Luchimkulupusya ku maloŵe gakukopa ga jwamkongwe jwachikululu.*
17 Jwakusamjasa mjakwe jwapamtima* jwa pausikana wakweSoni jwakusaliŵalila chilanga chaŵatesile kwa Mlungu.
18 Pakuŵa nyumba jakwe jikusatitimila mu chiwa,Soni matala gakwe gakusigalongolela kwali ŵandu ŵawe.
19 Ŵakusagona ni jwalakwe* ŵangawujilagasoni,Mwamti jemanjajo ŵangapatasoni matala ga umi.
20 Myoyo mkuye litala lya ŵandu ŵamboneSoni mkatyoka pa matala ga ŵandu ŵakulungama,
21 Pakuŵa ŵakulungamape ni ŵachachitama pachilambo chapasi,Soni ŵanganakola chakulemwa* ni ŵachachisigala m’chilambocho.
22 Nambo ŵakusakala chachatyosya pachilambo chapasi,Soni ŵandu ŵangakulupichika chachapyajila pachilambo chapasi.
Maloŵe Gamwiŵanda
^ Mu Chihebeli ŵatiga, “jwachilendo.” Pelepa akwamba mundu jwakusatenda yangamsangalasya Mlungu.
^ Mu Chihebeli ŵatiga, “jwachilendo.” Pelepa akwamba mundu jwakusatenda yindu yayikusamtendekasya kuti atalikangane ni Mlungu.
^ Kapena kuti “ŵamkwakwe.”
^ Mu Chihebeli ŵatiga, “Ŵapite kwa jwalakwe.”
^ Kapena kuti “ŵakusatenda yindu mwakulupichika.”
