Misyungu 17:1-28
17 Kuli chenene kukola kambali kamwana ka mkate* wejumu pali pana mtendele+Kulekangana ni kuŵa m’nyumba jakusatenda mapwando* gejinji nambo muli mwana ukangani.+
2 Jwamasengo jwalunda chachimlamulila mwanache jwa ambuje ŵakwe jwakusatenda yindu yakutesya sooni.Jwalakwe chachipochela chipanje pampepe ni ŵanache ŵa ambuje ŵakwewo.
3 Silifa akusamjenjela mu mpika wakwe wakwenjela soni golide akusamjenjela mu ng’anjo jamoto,+Nambo Yehofa ni jwakusawungunya yayili m’mitima ja ŵandu.+
4 Mundu jwakusakala akusatejela liwiwi lyakwe ku maloŵe gakupweteka,Soni mundu jwachinyengo akusapikanila yamabosa.+
5 Jwalijose jwakusamnyosya mundu jwakulaga akusaŵa kuti akumnyosya juŵampanganyisye,+Soni jwalijose jwakusasangalala mundu jwine pasimene ni yakusawusya ngasalepela kupochela chilango.*+
6 Yisukulu yili mpela chisoti chauchimbichimbi kwa ŵandu ŵachikulile,Soni ŵanache akusachimbichika ligongo lya baba ŵawo.*
7 Mundu jwakuloŵela nganaŵa aŵechete yindu yakamuchisya.+
Nambosoni nganiyiŵa yakuŵajilwa kuti ŵandu ŵakulamulila aŵecheteje yindu yaunami.+
8 Mtuka uli mpela liganga lyamtengo wapenani kwa msyene.+Kulikose kwakusajawula jwalakwe yindu yikusamjendela chenene.+
9 Jwalijose jwakusakululuchila yakulemwa akusasaka chinonyelo,+Nambo jwakusakakamila ngani akusiŵaŵenganya ŵandu ŵali paujakwe.+
10 Kwamuka kukusakamula masengo chenene kwa mundu jwali jwakupikanichisya yindu+Kulekangana ni kumputa mundu jwakuloŵela kwa maulendo 100.+
11 Mundu jwakusakala akusagamba kusaka yakwimuchila basi,Nambo chachimtumisya mundu jwangalwe* kuti akampe chilango jwalakwe.+
12 Kuli chenene kusimana ni chimbalangondo chachikulilila ŵanache ŵakweKulekangana ni kusimana ni chisilu chili mkutenda yindu yakuloŵela.+
13 Naga mundu akusawuchisya yakusakala pa yindu yambone yatendeledwe,Yindu yakusakala ngasiyityoka pa nyumba jakwe.+
14 Kutandisya ndewu kuli mpela kuwugula mageti ga mesi gakusefuchila.Ukangani mkaniwutande mtyocheje pamalopo.+
15 Jwalijose jwakuŵecheta kuti mundu jwakusakala ali jwangalemwa soni jwalijose jwakusamnyosya mundu jwakulungama+Wosopeŵa akusamnyalaya Yehofa.
16 Ana yana masengochi naga jwakuloŵela akwete litala lyakupatila lundaNambo chitamilecho ali nganakola mtima wakusaka kupata lundalo?*+
17 Mjenu jusyesyene akusamnonyela ndaŵi syosope,+Soni ali mlongomjenu juŵapagwile kuti amkamuchisye pandaŵi jakusawusya.+
18 Mundu jwangali lunda akusakamulana makono ni mundu jwineSoni akusajitichisya pameso pa mlongomjakwe kuti chiŵapelechele ŵane chikole.+
19 Mundu jwakusanonyela ukangani akusanonyela yakulemwa.+
Soni jwalijose jwakusaŵika penani mlango wakwe wakwinjilila akusaliyikachisya yakusawusya.+
20 Mundu jwamtima wakusakala yindu ngasiyimjendela chenene,+Soni mundu jwakusaŵecheta yachinyengo chachisimana ni yakusawusya.
21 Mtati jwa mwanache jwakuloŵela chachisimana ni yakutesya chanasa.Soni mtati jwa mwanache jwangali lunda ngakusasangalala.+
22 Mtima wakusangalala uli mtela wambone,+Nambo umi wakudandawula ukusakwemba machili.+
23 Mundu jwakusakala akusapochela yipupu mwakusisaNi chakulinga chakuti apindimasye chilungamo.+
24 Mundu jwakumanyilila yindu akusaluwona lunda kuŵa lwakusosekwa mnopeNambo meso ga mundu jwakuloŵela gakusagamba kwendajenda mpaka kuja kwika kumbesi kwa chilambo chapasi.+
25 Mwanache jwakuloŵela akusiŵatesya chanasa babagweSoni jwalakwe akusiŵapwetekasya mtima mamagwe ŵaŵamŵeleche.+
26 Kumpa chilango* mundu jwakulungama nganikuŵa kwambone,Soni kwakwapula ŵandu ŵakuchimbichika kuli kwakutindana ni yayili yakuŵajilwa.
27 Mundu jwakumanyilila yindu akusaganisya kaje mkanaŵechete,+Soni mundu jwakupikanichisya yindu akusaŵa jwakuwusimana mtima.+
28 Atamose mundu jwakuloŵela jwakusatama ngaŵecheta, ŵandu chachimwona kuŵa jwalunda,Soni jwakusawugala pakamwa pakwe, ŵandu chachimwona kuti ali jwakumanyilila yindu.
