Mika 4:1-13
4 M’masiku gambesi,*Litumbi lya nyumba ja Yehofa,+Chachilitamilikasya mwamachili penani pamatumbi gekulungwakulungwa,Litumbilyo lichiŵa lyelewu kupunda matumbi gane gosope gamwanamwana,Soni mitundu josope ja ŵandu jichigungumuchila kweleko.+
2 Mitundu jejinji ja ŵandu jichiyika ni kuŵecheta kuti:
“Ayiche, kwende tujawule ku litumbi lya YehofaKu nyumba ja Mlungu jwa Yakobo.+
Kweleko jwalakwe chachitujiganya yakwamba matala gakwe,Mwamti m’weji tuchijenda m’matala gakwego.”
Pakuŵa chilamusi* chichijiganyidwa kutandila ku Siyoni,Soni maloŵe ga Yehofa gachijiganyidwa kutandila ku Yelusalemu.
3 Jwalakwe chachilamula* pasikati pa mitundu ja ŵandu+Chachijongola yindu yakwamba mitundu jejinji ja ŵandu ŵamachili ŵakutama kwakutalika.
Ŵandu chachisyana maupanga* gawo ni kuŵa majelaSoni chachisyana mapanga gawo ni kuŵa yakusandulila yitela.+
Mtundu ngasiwujigala upanga kuti umenyane ni mtundu ujakwe,Soni ŵandu ngasalijiganyasoni ngondo.+
4 Jwalijose chachitama pasi pachitela chakwe cha mpeleya* soni pasi pachitela chakwe cha mkuju,+Mwamti pangali jwalijose juchachajogoya jemanjajo,+Pakuŵa Yehofa jwa magulu ga ngondo ni jwaŵechete yeleyi.
5 Pakuŵa mtundu uliwose wa ŵandu uchijenda mu lina lya mlungu jwawo,Nambo m’weji tuchijenda mu lina lya Yehofa Mlungu jwetu+ mpaka kalakala.
6 Yehofa aŵechete kuti, “Pa lisiku lyelelyo,“Une chinjasonganganya ŵele ŵakwenda mwakutundajila,Soni chinjasonganganya pampepe ŵele ŵabalalikangene,+Yimpepe ni ŵele ŵanatendekasisye kuti asimane ni yakusawusya.
7 Une chinjatendekasya ŵele ŵaŵajendaga mwakutundajila kuŵa ŵandu ŵakusigala,+Soni ŵele ŵanatyosisye ni kwajawusya kwakutalika chinjatenda kuŵa mtundu wamachili.+Mwamti Yehofa chachalamulilaga jemanjaji mpela mwenye mu Litumbi lya Siyoni,Kutandila apano mpaka kalakala.
8 Nambo pakwamba ya mmwejo, mmwe sanja ja yilango,Mmwe jwamli liwunjili lya mwanache jwamkongwe jwa Siyoni,+Ulamusi uchiwujila kwa mmwejo, elo, ulamusi wandanda* uchiwujila,+Welewu uli umwenye wa mwanache jwamkongwe jwa Yelusalemu.+
9 Sambano ligongo chichi jemanja mkugumila mnope?
Ana nganimkola mwenye,Kapena ana jwakumjongolela jemanja awile,Mwamti mkupikana kupweteka mnope mpela jwamkongwe jwakuŵeleka?+
10 Mgalagate soni mlile mwakuwuwula, mmwe mwanache jwamkongwe jwa Siyoni,Mtende mpela jwamkongwe jwakuŵeleka,Pakuŵa sambano mmwejo chimtyoche kumsinda nikuja kutamaga kumusi.
Jemanja chimchija kwika ku Babulo,+Kweleko ni kwachachimkulupusya mmwejo.+Soni kweleko Yehofa chamchimkulupusya kutyochela mmyala mwa adani* ŵenu.+
11 Sambano mitundu jejinji jichisongangana pampepe kuti jilimbane ni mmwejo,Jemanjajo chachiŵecheta kuti, ‘Kwende tumsakasye jwalakwejo,Meso getu galole yeleyi yili mkumtendechela Siyoni.’
12 Nambotu jemanjaji ngakumanyilila nganisyo sya Yehofa,Jemanjaji ngakupikanichisya chakulinga chakwe.Pakuŵa jwalakwe chachasonganganya jemanjaji ni kwaŵika pampepe pamalo gakuputila mbeju mpela litita lya tiligu jwagambile kumkata kwene.
13 Mmwe mwanache jwamkongwe jwa Siyoni,+ mnyakuche soni mpute mbeju.Pakuŵa une chinjijichenga misengo jenu ni kuŵa yisyano,Soni une chinjiyichenga yikotwa yenu kuti yiŵe chisyano cha kopa,Soni mmwejo chimchijijonanga mitundu jejinji ja ŵandu.+
Chimchipeleka kwa Yehofa yaŵapatile jemanjaji mwachinyengo,Soni yindu ya jemanjaji chimchiyipeleka kwa Ambuje ŵasyesyene ŵa chilambo chosope chapasi.”+
Maloŵe Gamwiŵanda
^ Kapena kuti “M’masiku gakumalisya.”
^ Kapena kuti “malangiso.”
^ Kapena kuti “chachiwelusya.”
^ Upanga ukusawoneka mpela chipula chekulungwa chakutema kosekose.
^ Mipeleya jili mtundu winewakwe wa yisogosi yakusayikamulichisya masengo pakupanganya finyo.
^ Kapena kuti “wakala.”
^ Ŵane akusati “achimmagongo.”
