Salimo 94:1-23
94 Wawo Yehofa, Mlungu jwakusiŵawuchisya ŵakusakala,+Elo, wawo Mlungu jwakusiŵawuchisya ŵakusakala, alosye uchimbichimbi wawo.
2 Anyakuche, wawo jwakulamula* jwachilambo chapasi.+
Ŵawuchisye ŵakulikwesya mwakamulana ni yakusosekwa kupochela.+
3 Ana ŵakusakala chapitilisye kusangalala mpaka chakachi, wawo Yehofa?Ana jemanjaji chapitilisye mpaka chakachi?+
4 Jemanjaji akusalangwasika soni kuŵecheta mwakulikwesya.Wosope ŵakutenda yakusakala akusalilapilila achimsyene.
5 Akusiŵakasanya ŵandu ŵawo, wawo Yehofa,+Soni akusiŵalagasya jemanjajo, ŵali chipanje chawo.
6 Akusiŵawulaga achakongwe ŵamasije soni achalendo,Nambosoni akusiŵawulaga ŵanache ŵangali baba ŵawo.
7 Jemanjajo akusaŵecheta kuti, “Ya ngakuyiwona yeleyi.+Mlungu jwa Yakobo ngakumanyilila yayikutendekwayi.”+
8 Mpikanichisye ayi, jemanja ŵandu ŵangali lunda.Jemanja ŵandu ŵakuloŵela, ana chimchilosya chakachi kumanyilila yindu?+
9 Ana juŵapanganyisye* liwiwi mpaka alepele kupikana?
Ana juŵapanganyisye liso mpaka alepele kulola?+
10 Ana jwele jwakusajijamuka mitundu ja ŵandu mpaka alepele kumjamuka jemanja?+
Jwalakwe ni jwakusiŵapa ŵandu lunda.+
11 Yehofa akusamanyilila nganisyo sya ŵandu,Kuti sigambile kuŵa mpela mpweya wapumwile mundu.+
12 Jwakusangalala ali mundu jwele wawojo akusamjongolela, wawo Ya,+Mundu jwakusamjiganya chilamusi chawo.+
13 Akusatenda yeleyi kuti ampe mtendele pandaŵi ja yakusawusya,Mpaka pachachasolela lisimbo ŵakusakala kuti agwile mwelemo.+
14 Pakuŵa Yehofa ngasiŵaleka ŵandu ŵakwe,+Kapena kwajasa ŵandu ŵakwe ŵali chipanje chakwe.+
15 Pakuŵa ŵandu chachitandilasoni kulamulidwa* mwachilungamo,Soni ŵandu wosope ŵagoloka mtima chachikuyaga chilungamocho.
16 Ana ŵani ŵachachiyika kuti anjenjele kwa adani* ŵangu?
Ana ŵani ŵachachingamuchisya pakulimbana ni ŵandu ŵakusandendela yakusakala?
17 Yikaŵe kuti Yehofa ngakungamuchisya,Ngaliji ndili njonasiche kala.*+
18 Panaŵechete kuti, “Lusajo* lwangu lukutelesya,”
Chinonyelo chawo chakulupichika chaliji mkungamuchisya, wawo Yehofa.+
19 Nganisyo* pasyandupile mnope,* wawojo ŵanimbikasisye,Soni kundamika mtima pasi.*+
20 Ana wawojo mpaka atende mkamulano ni ŵakulamulila* ŵachinyengoŴakusakamulichisya masengo malamusi pakutandisya yakusawusya?+
21 Jemanjaji akusiŵajimuchila mwangalwe* ŵandu ŵakulungama+Soni akusagamula kuti mundu jwangalemwa awulajidwe.*+
22 Nambo Yehofa chachiŵa malo gangu gambone gakuuŵa.Mlungu jwangu ali litunguwe* lyangu, malo gangu gakuuŵa.+
23 Jwalakwe chachitenda yakuti yitendo yawo yakusakala yawujile achimsyenepewo.+
Jwalakwe chachimalana nawo* mwakwawuchisya yakusakala yawopeyo.
Yehofa Mlungu jwetu chachimalana ni jemanjajo.*+
Maloŵe Gamwiŵanda
^ Kapena kuti “jwakwelusya.”
^ Mu Chihebeli ŵatiga, “juŵapandile.”
^ Kapena kuti, “kuwelusidwa.”
^ Ŵane akusati “achimmagongo.”
^ Mu Chihebeli ŵatiga, “Ngaliji ndili mu ndamo jangaŵecheta chilichose.”
^ Ŵane akusati “Likawu.”
^ Kapena kuti “Nganisyo syakusokonasya.”
^ Kapena kuti “pasyatupile mumtima mwangu.”
^ Kapena kuti “Soni maloŵe gawo gakulimbikasya gandamiche mtima pasi.”
^ Kapena kuti “ŵakulamula.” Mu Chihebeli ŵatiga, “mpando waumwenye.”
^ Mu Chihebeli ŵatiga, “Soni akusagamula kuti myasi ja mundu jwangalemwa jili jakulemwa.”
^ Ŵane akusati “mwangasa.”
^ Litunguwe lili liganga lyekulungwa mnope soni lyenyakuche.
^ Mu Chihebeli ŵatiga, “chachawugala pakamwa.”
^ Mu Chihebeli ŵatiga, “chachawugala pakamwa jemanjajo.”
