Salimo 9:1-20
Kwa jwakulongolela nyimbo ja Muti-labeni.* Nyimbo ja Daudi.
א [Aleph ]
9 Wawo Yehofa, chinjachimbichisya wawojo ni mtima wangu wosope.Chinjiŵecheta yakwamba masengo gawo gosope gakusimonjesya.+
2 Chinjisangalala soni kunyadila ligongo lya wawojo.Chinjijimba nyimbo syakulichimbichisya* lina lyawo, wawo Mlungu Jwakwinani Mnope.+
ב [Beth ]
3 Adani* ŵangu pakundila,+Jemanjajo chachigwa ni kuwa pameso pangu.
4 Pakuŵa wawojo akusanjenjela soni kundendela yindu mwachilungamo.Wawojo akusatama pampando wawo waumwenye ni kulamulaga* mwachilungamo.+
ג [Gimel ]
5 Wawojo ajijamwiche mitundu ja ŵandu+ soni ŵajonasile ŵandu ŵakusakala.Afufwite lina lyawo mwamti ngasiliwonekasoni mpaka kalakala.
6 Ŵajonasile adani ŵawo, mwamti ngasawonekasoni mpaka kalakala.Agumulenye misinda ja jemanjajo,Mwamti chilichose chakwamba jemanjajo chichiliŵalichika.+
ה [He]
7 Nambo Yehofa chachitama pampando wakwe waumwenye mpaka kalakala.+Jwalakwe atamilikasisye mwakulimbangana mpando wakwe waumwenye wakusatama ni kulamulaga mwachilungamo.+
8 Jwalakwe chachichilamula chilambo chapasi mwachilungamo.+Jwalakwe chachijilamula mitundu ja ŵandu mwachilungamo.+
ו [Waw]
9 Yehofa chachiŵa malo gambone gakutilila ŵandu ŵakulagasidwa,+Malo gambone gakutilila pandaŵi ja yipwetesi.+
10 Ŵandu ŵakulimanyilila lina lyawo chachadalila wawojo.+Wawo Yehofa,+ wawojo ngasamjasa jwalijose jwakwasosasosa wawojo.
ז [Zayin]
11 Amjimbile nyimbo syakumchimbichisya Yehofa, jwele jwakutama ku Siyoni.Yindu yakusatenda jwalakwe ayimanyikasye pasikati pa mitundu ja ŵandu.+
12 Jwalakwe chachakumbuchila+ ŵakulagasidwa soni chachawuchisya ŵandu ŵaŵawuleje jemanjajo.*Jwalakwe ngasaliŵalila kugumila kwawo kwakuŵenda chikamuchisyo.+
ח [Heth ]
13 Alosye une umbone mtima, wawo Yehofa. Alole yakuti pakundagasya ŵandu ŵakusaŵengana ni une.Wawojo ni ŵaŵangulupwisye une ku chiwa.*+
14 Ŵatesile yeleyi kuti wandisye ku mageti ga mwanache jwamkongwe jwa Siyoni+ yakwamba yindu yauchimbichimbi yakusatenda wawojo,Soni kuti sangalale ligongo lyakuti angulupwisye.+
ט [Teth ]
15 Mitundu ja ŵandu jigwilile m’masimbo gaŵawukwile achimsyenepewo.Lusajo* lwawo lutanjile mu lwawu* lwaŵatejile achimsyenepewo.+
16 Yehofa akusamanyika ligongo lyakalamule kakwe.+
Mundu jwakusakala atanjile mu yitendo yakwe.+
Higayoni.* (Selah)
י [Yod ]
17 Ŵandu ŵakusakala chachijawula ku Malembe,*Elo, ŵandu ŵamitundu josope ŵakusamliŵalila Mlungu chachijawula kweleko.
18 Nambo jwalakwe ngasiŵaliŵalila+ ŵandu ŵakulaga.Soni chembecheyo cha ŵandu ŵakufasa* ngasichimala ata panandi.+
כ [Kaph ]
19 Anyakuche wawo Yehofa, akakunda kuti mundu ŵapunde wawojo.
Ajilamule mitundu ja ŵandu pameso pawo.+
20 Wawo Yehofa,+ ŵatendekasye jemanjajo kuti akole woga.Ajitendekasye mitundu ja ŵandu kumanyilila kuti jemanjajo agambile kuŵa ŵandu basi. (Selah)
Maloŵe Gamwiŵanda
^ Komboleka pelepa akwamba nyimbo jakwamba chiwa cha mwanache. Alole mbali jakuti, Kugopolela kwa Maloŵe.
^ Kapena kuti “Chinjijimba nyimbo ni yida yakwimbila syakwamba.”
^ Ŵane akusati “Achimmagongo.”
^ Kapena kuti “kwelusyaga.”
^ Mu Chihebeli ŵatiga, “chachiwuchisya myasi ja jemanjajo.”
^ Mu Chihebeli ŵatiga, “pamlango wa chiwa.”
^ Ŵane akusati “ukonde.”
^ Ŵane akusati “Likawu.”
^ Alole mbali jakuti, Kugopolela kwa Maloŵe.
^ Alole mbali jakuti, Kugopolela kwa Maloŵe.
^ Ŵane akusati “ŵakulijinichila.”
