Masalimo 88:1-18
Nyimbo ja ŵanache ŵa Kola. Kwa jwakulongolela nyimbo. Ajimbe nyimboji pakuya kajimbe ka Mahalati* soni jijimbidwe mwakupelana. Masikili* ga Hemani jwa m’liŵasa lya Sela.
88 Wawo Yehofa, Mlungu jwakusangulupusya,Musi ngusinalilila wawojo,Soni chilo ngusayika pameso pawo.
2 Nguŵenda kuti lipopelo lyangu liyiche kwa wawojo.Atejele liwiwi lyawo* kuti apikane kuŵenda kwangu kwakuti angamuchisye.
3 Pakuŵa umi wangu ugumbele ni yipwetesi,Mwamti sigele panandi kwawula ku Malembe.*
4 Ŵandu akumbona mpela kuti mbwile kala.*Mbele mundu jwakusoŵa chikamuchisyo,*
5 Jwamlesile pasikati pa ŵandu ŵawe,Mpela mtembo wawugonile m’malembe.Mbele mundu jwakuti wawojo ngasamkumbuchilasoni,Soni mundu jwele wawojo alesile kumsamalila.*
6 Wawojo ambisile mu lisimbo lyakusokoka,M’malo gachipi, m’lisimbo lyekulungwa mnope.
7 Une sitopelwe ni ukali wawo,Soni wawojo awunichile une ni matumbela gawo gamachili. (Selah)
8 Achimjangu ŵatopolele kutali ni une.Soni wawojo atendekasisye kuti une mbe mpela chindu chakunyalaya kwa jemanjajo.
Ndanjile mwamti nganimba ngulupwiche.
9 Meso gangu galembwiche ligongo lya yipwetesi yangu.
Wawo Yehofa, lisiku lililyose ngusinaŵilanga wawojo.Ngusakwesya makono gangu kwa wawojo.
10 Ana wawojo mpaka atende yindu yakusimonjesya kwa mundu jwam’we?
Ana ŵandu ŵawe ŵakusaŵa ali ŵangali machili mpaka ajimuche kuti ŵachimbichisye wawojo? (Selah)
11 Ana chinonyelo chawo chakulupichika mpaka chimanyiche m’malembe?Kapena ana kukulupichika kwawo mpaka kumanyiche m’malo gachonasiko?*
12 Ana yakusimonjesya yawo mpaka yimanyiche m’malo gachipi?Kapena ana chilungamo chawo mpaka chimanyiche m’chilambo cha ŵandu ŵangamanyilila chilichose?
13 Nambo une ngupitilisyape kwaŵenda wawojo kuti angamuchisye, wawo Yehofa.Kundaŵi kulikose ngusapopela kwa wawojo.
14 Ligongo chichi akungana, wawo Yehofa?
Ligongo chichi akusisila ngope jawo?
15 Kutandila ndili mwanache mpaka apanoMbele ndili mkusimana ni yipwetesi soni sigele panandi konasika.Ndesile mandilindili ni yipwetesi yekulungwa yakundile wawojo kuti lagasiche nayo.
16 Ukali wawo wakolela moto wuwunichile une.Soni yipwetesi yawo yakogoya yinjonasile.
17 Yipwetesiyo yikusasyungulila une mpela mesi lisiku lililyose.Yikusambugalila une mbali syosope.*
18 Wawojo ŵatopolele kutali achimjangu soni ŵandu ŵanajendaga nawo.Sambano chipi ni chachiŵele mjangu.
Maloŵe Gamwiŵanda
^ Alole Kugopolela kwa Maloŵe Gane.
^ Alole Kugopolela kwa Maloŵe Gane.
^ Kapena kuti, “Ajiname.”
^ Alole Kugopolela kwa Maloŵe Gane.
^ Kapena kuti, “Ŵandu akumbona mpela kuti sigele panandi kwawula ku malembe.”
^ Kapena kuti, “Mbele mpela mundu jwangali machili.”
^ Mu Chihebeli ŵatiga, “mundu jwele atyosile mmyala mwawo.”
^ Kapena kuti, “mpaka kumanyiche ku Abadoni.”
^ Kagopolele kanesoni, “Yikusambugalila une ndaŵi jimo.”
