Masalimo 84:1-12
Kwa jwakulongolela nyimbo. Ajimbe nyimboji pakuya kajimbe ka Gititi.* Nyimbo ja ŵanache ŵa Kola.
84 Wawo Yehofa jwa magulu ga ndondo,Une ngusachinonyela mnope chitenti chawo chekulungwa.
2 Une ngusachilila ni mtima wangu wosopeMaluŵala ga nyumba ja Yehofa.Nditu, machili gamalile ligongo lyakugasachilila.
Ni mtima wangu wosope soni machili gangu gosope gumjimbila Mlungu jwaumi.
3 Atamose chijuni chikusapata malo gakutama kwelekoSoni chiŵaleŵale chikusataŵa chisusi chakwe,Ni kusamalilaga ŵanache ŵakwe kweleko.Chikusatenda yeleyi chiŵandika malo gawo gekulungwa gakupelechela mbopesi, wawo Yehofa jwa magulu ga ngondo,Mwenye jwangu soni Mlungu jwangu.
4 Ŵakusangalala ali ŵandu ŵakutama m’nyumba jawo.
Jemanjaji akupitilisya kwachimbichisya wawojo. (Selah)
5 Ŵakusangalala ali ŵandu ŵakusapata machili kutyochela kwa wawojo,Ŵele akusakumbila m’mitima mwawo matala gakwawula kunyumba ja Mlungu.
6 Jemanjaji papitile ku Chitiŵi cha Baka,*Akusachitendekasya chitiŵicho kuti chiŵe mpela chana mesi.Nambosoni wula jandanda jikusachiwecha chitiŵicho* upile.
7 Jemanjajo chachijenda nambo ngasapela.Jwalijose jwa jemanjajo akusawonechela pameso pa Mlungu ku Siyoni.
8 Wawo Yehofa Mlungu jwa magulu ga ngondo, apikane lipopelo lyangu.Ambikanile, wawo Mlungu jwa Yakobo. (Selah)
9 Atulole, wawo chakuchijila chetu soni Mlungu jwetu.*Alole ngope ja jwakusagulidwa jwawo.
10 Pakuŵa kutama m’maluŵala ga nyumba jawo kwa lisiku limo kuli kwambone kulekangana ni kutama kwine kwa masiku 1,000.
Une sagwile kuti njimeje pamlango wa nyumba ja Mlungu jwanguKulekangana ni kuti ndameje ku matenti ga ŵandu ŵakusakala.
11 Pakuŵa Yehofa Mlungu ali lyuŵa soni chakuchijila.Jwalakwe akusiŵalosya ŵandu umbone mtima soni kwapa uchimbichimbi.
Yehofa ngasiŵajima chindu chilichose chamboneŴandu ŵakusatenda yindu mwakulupichika.
12 Wawo Yehofa jwa magulu ga ngondo,Ali jwakusangalala mundu jwakusiŵakulupilila wawojo.
Maloŵe Gamwiŵanda
^ Alole Kugopolela kwa Maloŵe Gane.
^ Kapena kuti, “chitiŵi chakola mawukutu ga baka.”
^ Kagopolele kanesoni, “Nambosoni jwakwiganya akusaliwunichila jika.”
^ Kagopolele kanesoni, “Alole chakuchijila chetu, wawo Mlungu.”
