Masalimo 83:1-18
Nyimbo ja Asafu.
83 Wawo Mlungu, akagamba kutama jii.Akagamba kutama ngaŵecheta chilichose kapena ngatenda kandu, wawo Mlungu.
2 Apikane masegwe gakutenda adani* ŵawo.Ŵandu ŵakuŵengana ni wawojo akutenda yindu mwakulikwesya.*
3 Mwakalamuka soni mwakusisa jemanjajo akusiŵalinganyila chiwembu ŵandu ŵawo.Jemanjajo akusapangana yakuti alimbane ni ŵandu ŵali chipanje chawo.*
4 Jemanjajo akusaŵecheta kuti, “Kwende tuwupyajile mtundu wawo wosope,Kuti lina lya Isalayeli likasilikumbuchilikasoni.”
5 Jemanjajo alinganyisye pulani mwakamulana.*Jemanjajo akamulene* kuti alimbane ni wawojo.
6 Ŵandu ŵakwe ali Aedomu, Ayisimayeli,* Amowabu, soni yisukulu ya Hagali,
7 Nambosoni Agebala, Aamoni, Aamaleki,Soni ŵandu ŵakutama ku Filisitiya pampepe ni ŵakutama ku Tulo.
8 Nombenawo ŵandu ŵa ku chilambo cha Asuli akamulene ni jemanjajo.Wosopeŵa akuyikamuchisya* yisukulu ya Loti. (Selah)
9 Ŵatende jemanjajo yaŵatesile AmidiyaniSoni mpela yaŵamtesile Sisela soni Yabini ku Lusulo lwa Kisoni.
10 Wawojo ŵapyajisile wosopeŵa ku Eni-doli,Mwamti ŵaŵele manyowa palitaka.
11 Ŵandu ŵawo ŵakuchimbichika ŵatende mpela yaŵamtesile Olebi soni Seebi.Soni ŵakulongolela ŵawo ŵatende yaŵamtesile Seba soni Salimuna.
12 Pakuŵa jemanjajo ŵaŵechete kuti, “Kwende tuchisumule chilambo chakusatama Mlunguchi.”
13 Wawo Mlungu jwangu, ŵatende jemanjajo kuti aŵe mpela yakumela yayikuwululuka,*Soni mpela masache ga tiligu gagakuwululuka ni mbungo.
14 Mpela mwawukusatendela moto wawukusajocha ngalango,Soni mpela mwagakusatendela malamba ga moto m’matumbi,
15 Myoyosoni ŵatoposye jemanjajo ni mbungo jawo jakonanga,Soni ŵajogoye ni mbungo jawo jamachili.
16 Ŵatesye sooni jemanjajo,*Ni chakulinga chakuti alisosesose lina lyawo, wawo Yehofa.
17 Ŵatesye sooni jemanjajo soni ŵatendekasye kuti atameje mwawoga mpaka kalakala.Ŵatesye sooni soni ŵajonanje.
18 Nguŵenda kuti ŵandu amanyilile kuti wawojo, ŵele lina lyawo lili Yehofa,Wawojo jika ni ŵali Ŵakwinani Mnope pachilambo chosope chapasi.
Maloŵe Gamwiŵanda
^ Ŵane akusati “achimmagongo.”
^ Kapena kuti, “Ŵandu ŵakuŵengana ni wawojo ajimiche mitwe jawo.”
^ Mu Chihebeli ŵatiga, “ŵandu ŵawo ŵakusiŵasisa.”
^ Mu Chihebeli ŵatiga, “asimene pampepe ni mtima umo.”
^ Kapena kuti, “atesile chilanga.”
^ Mu Chihebeli ŵatiga, “ali ŵakutama m’matenti ga Aedomu soni ga Ayisimayeli.”
^ Mu Chihebeli ŵatiga, “Jemanjajo aŵele mkono wa.”
^ Kapena kuti, “aŵe mpela liwukutu lya miŵa lyalikuwululuka.”
^ Mu Chihebeli ŵatiga, “Agumbasye ngope syawo ni sooni.”
