Salimo 8:1-9

  • Uchimbichimbi wa Mlungu soni wa mundu

    • “Lina lyawo lili lyekulungwa mnope” (1, 9)

    • ‘Ana mundu ali jwakusosekwa kwa wawojo?’ (4)

    • Ŵam’wechiche uchimbichimbi (5)

Kwa jwakulongolela nyimbo. Ajimbe nyimboji pakuya kajimbe ka Gititi.* Nyimbo ja Daudi. 8  Wawo Yehofa Ambuje ŵetu, lina lyawo lili lyekulungwa mnope pachilambo chosope chapasi.Uchimbichimbi wawo awukwesisye mnope kupunda kwinani.*+  2  Wawojo atendekasisye pakamwa pa ŵanache soni makandi+ kuti palosye machili.Alosisye machili ligongo lya adani* ŵawo,Kuti adani ŵawowo soni ŵakuwuchisya akakola chiyawo chilichose.  3  Pangukuwona kwinani, masengo ga yala yawo,Mwesi soni ndondwa syaŵapanganyisye,+  4  Ngusaganisya kuti ana mundu ali ŵani kuti wawojo amkumbuchileje,Soni mwanache jwa mundu ali ŵani kuti wawojo amsamalileje?+  5  Wawojo ŵamtulwisye jwalakwejo panandi pakulandanya ni malayika,*Nambosoni wawojo ŵam’wechiche jwalakwejo ulemu ni uchimbichimbi.  6  Wawojo ŵampele jwalakwejo ulamusi pa masengo ga makono gawo+Ŵaŵisile chilichose pasi pa sajo* syakwe:  7  Chinga ngondolo, mbusi soni ng’ombe,Pampepe ni yinyama yosope yamwitinji.+  8  Chinga yijuni yamwinani soni somba sya m’nyasa,Chinga chilichose chachikusajenda m’nyasa.  9  Wawo Yehofa Ambuje ŵetu lina lyawo lili lyekulungwa mnope pachilambo chosope chapasi.

Maloŵe Gamwiŵanda

^ Alole mbali jakuti, Kugopolela kwa Maloŵe.
^ Kagopolele kanesoni, “Uchimbichimbi wawo akuwusala kwinani mnope.”
^ Ŵane akusati “achimmagongo.”
^ Mu Chihebeli ŵatiga, “pakulandanya ni ŵakulandana ni Mlunguwo.”
^ Ŵane akusati “makawu.”

Copyrights for this publication