Salimo 79:1-13
Nyimbo ja Asafu.+
79 Wawo Mlungu, ŵandu ŵamitundu jine ayiche ni kuchijimuchila chipanje chawo.+Jemanjajo asakesye nyumba jawo jeswela.+Msinda wa Yelusalemu awujonasile ni kuŵa liwunjili lya maganga.+
2 Jemanjajo ajipeleche mitembo ja ŵakutumichila ŵawo kuti jiŵe yakulya ya yijuni yamwinani.Soni yilu ya ŵandu ŵawo ŵakulupichika ayipeleche kwa yinyama yamwitinji.+
3 Asulwisye myasi ja jemanjajo mpela mesi mu msinda wosope wa Yelusalemu,Soni pangali jwalijose jwasigele jwakuti ŵasiche jemanjajo.+
4 Sambano tuŵele mpela chindu chakuti ŵandu ŵakuŵandikana nawo achinyosyeje.+Ŵandu ŵakutusyungulila akutamila kutuŵechetela yamwano soni yachipongwe.
5 Wawo Yehofa, ana chatutumbilile mpaka chakachi? Ana mpaka kalakala?+
Ana ukali wawo wakolela motowu chiwupitilile mpaka chakachi?+
6 Akusulile ukali wawo pa mitundu ja ŵandu jangajikwamanyilila wawojoSoni pa maulamusi gele gangaŵilanjila pa lina lyawo.+
7 Pakuŵa jemanjajo amjonasile Yakobo,Soni atendekasisye chilambo chakwe kuŵa masame.+
8 Akatujimba magambo pa yakulemwa ya achinangolo ŵetu.+
Atulosye chanasa chawo mwachitemachitema,+Pakuŵa tulasile mnope.
9 Atukamuchisye wawo Mlungu jwetu jwakusatukulupusya.+Atende yeleyi ligongo lya lina lyawo lyakuchimbichika.Atukulupusye soni atukululuchile* yakulemwa yetu ligongo lya lina lyawo.+
10 Akalechelela ŵandu ŵamitundu jine kuti aŵecheteje kuti, “Ana Mlungu jwawojo juli kwapi?”+
M’weji tuli mkulola, ŵandu ŵamitundu jinewo amanyilileKuti wawojo ŵawuchisye ŵandu ŵaŵawuleje* ŵakutumichila ŵawo.+
11 Nguŵenda kuti apikane kulila kwa mundu jwali mu ukayidi.+
Ni machili gawo gekulungwa* ŵakulupusye* ŵandu ŵalamulidwe kuti awulajidwe.*+
12 Ŵandu ŵatuŵandikene nawo ŵape chilango* kwa maulendo 7+Ligongo lya maloŵe gaŵechete gakwanyosya wawojo, wawo Yehofa.+
13 Pelepo m’weji ŵatuli ŵandu ŵawo soni ngondolo sya pamalo gawo gakulichisya yilango,+Tuchayamichilaga wawojo mpaka kalakala.Soni tuchilalichila yakwamba uchimbichimbi wawo ku mibado* josope jakwika msogolo.+
