Masalimo 73:1-28
Nyimbo ja Asafu.
73 Nditu Mlungu ali jwambone kwa Ayisalayeli, kwa wosope ŵali ŵaswelawo.
2 Pakwamba ya une, sajo* syangu syasigele panandi kusepuka pa litala lyakuŵajilwa.Sajo syangu syasigele panandi kutelesya.
3 Pakuŵa une naliji mkwatendela jelasiŴandu ŵakulikwesya soni ŵakusakala panayiweni yindu yili mkwajendela chenene.
4 Pakuŵa jemanjaji pakuwa ŵangapikana kupweteka kulikose.Jemanjaji akusakola yilu yambone.*
5 Ŵangasimana ni yakusawusya mpela ŵandu ŵane wosope,Kapena kulaga mpela mwakusalajila ŵane wosope.
6 Ni ligongo lyakwe kulikwesya kuli mpela yuma m’lukosi mwawo.Akusawala ndamo ja chiwawa mpela malaja.
7 Meso gawo gajimbele ligongo lyakulya yakunakana.Yindu yikusiyajendela chenene mnope kupunda yakusati kuganisya mumtima mwawo.
8 Jemanjaji akusiŵanyogodola ŵane soni kuŵecheta yakusakala yakwamba ŵane.
Ligongo lyakulikwesya akusiŵajogoya ŵane mwakuŵecheta kuti chiŵalagasye.
9 Jemanjaji akusaŵecheta mwakulikwesya mpela kuti ali kwinani.Malulumi gawo gakusajendaga pachilambo chapasi mwakulikwesya.
10 Myoyo ŵandu ŵa Mlungu* akusagalawuchila kwa jemanjajo,Mwamti akusamwa mesi kutyochela pa mesi gawo gejinji.
11 Jemanjajo akusaŵecheta kuti, “Ana Mlungu mpaka amanyilile chamtuli yindu yayikutendekwa?
Ana Jwakwinani Mnopejo akumanyilila chilichose?”
12 Nditu, mwelemu ni mwayikusaŵela yindu ni ŵakusakala, ŵele yindu yikusiyajendela chenene ndaŵi syosope.
Jemanjaji akusagamba kutupiyatupiya chipanje chawo.
13 Kusala yisyene, une swejesye mtima wangu pachabeSoni naŵile mmyala mwangu pachabe pakulosya kuti ndili jwangalemwa.
14 Naliji mkulagasika nganisyo lisiku lililyose.Kundaŵi kulikose Mlungu ŵanjamukaga.
15 Nambo yikaŵe kuti mbechete yindu yeleyi kwa ŵandu,Ngaliji jwangakulupichika kwa ŵandu ŵawo.
16 Panalingaga kuti nayipikanichisye yindu yeleyi,Yandagasyaga mumtima mwangu,
17 Mpaka panajinjile m’malo geswela gakuchimbichika ga Mlungu.Pelepo ni panamanyilile sogolo ja ŵandu ŵakusakala.
18 Nditu wawojo ŵaŵisile jemanjajo pamalo gakutelesya.
Wawojo chachitendekasya kuti jemanjajo agwe ni konasika.
19 Jemanjajo chachijonasika mwakusisimuchisya.
Mbesi jawo jakutesya chanasa jichayichila mwangajembecheya.
20 Wawo Yehofa, mpelaga yakusati mundu pakuliŵalila yasagamile,Nombe wawojo pachachijimuka, chachityosya chiwulili cha jemanjajo munganisyo mwawo.*
21 Nambo mumtima mwangu napikanaga kupweteka,Soni mkati mwangu* napikanaga ululu wekulungwa.
22 Pandaŵijo nganinganisyaga chenene soni nganimbikanichisyaga mwayikwendela yindu.Pameso pa wawojo naliji mpela chinyama chachikusaŵa changali lunda.
23 Nambo sambano ngwadalila wawojo ndaŵi syosope.Wawojo angamwile mkono wangu wamlyo.
24 Wawojo akusalongolela une ni maloŵe gawo gakusasalila,Soni panyuma pakwe wawojo chachindendekasya kuti mbe jwakuchimbichika.
25 Ana pana jwinesoni jwangwete kwinaniko kulekapo wawojo?
Pakuŵa wawojo ali ni une, pangali chinesoni changusakumbila pachilambo chapasi.
26 Atamose chilu changu soni mtima wangu yiŵe yangali machili,Nambo Mlungu ni jwakusangamuchisya kuti mtima wangu utamilichiche. Jwalakwe ali lwala lwangu soni ali jwangu mpaka kalakala.
27 Nditu, wosope ŵakulitalikanganya ni wawojo chachijonasika.
Wawojo chachimjonanga jwalijose juchachiŵa jwangakulupichika kwa wawojo.*
28 Nambo pakwamba ya une, kumŵandichila Mlungu chili chindu chambone kwa une.
Une namtesile Yehofa Ambuje Ŵakulungwa Mnope kuŵa malo gangu gakuuŵa,Kuti wandisye yakwamba masengo gakwe gosope.
Maloŵe Gamwiŵanda
^ Ŵane akusati “makawu.”
^ Kapena kuti, “Ndumbo syawo sikusaŵa syakwimbala.”
^ Mu Chihebeli ŵatiga, “ŵandu ŵakwe.”
^ Kapena kuti, “chiwulili cha jemanjajo chichanyalaya.”
^ Kapena kuti, “mu mbyo syangu.”
^ Mu Chihebeli ŵatiga, “jwalijose jwakwaleka wawojo mwakutenda chikululu.”
