Salimo 71:1-24
71 Wawo Yehofa, une ndilile kwa wawojo.
Akakunda kuti ndende sooni.+
2 Angulupusye une soni awombole ligongo wawojo ali ŵachilungamo.
Atejele liwiwi lyawo kuti apikane* kulila kwangu soni angulupusye.+
3 Wawojo aŵe lwala lwangu lwakunjenjelaKwele kwampaka ndilileje ndaŵi jilijose ni kuuŵa.
Alamule yakuti angulupusye,Pakuŵa wawojo ali litunguwe* lyangu soni malo gangu gakunjenjela.+
4 Wawo Mlungu jwangu, angulupusye mmyala mwa mundu jwakusakala,+Mmyala mwa mundu jwakundagasya jwali jwangali chilungamo.
5 Pakuŵa une ngwajembecheya wawojo, wawo Ambuje Ŵakulungwa Mnope Yehofa.Mbele ndili mkwakulupilila* wawojo kutandila ndili mnyamata.+
6 Une mbele ndili mkwadalila wawojo kutyochela panagambile kupagwa.Wawojo ni ŵaŵangamuchisye kuti ngopoche mmatumbo mwa mama ŵangu.+
Ngusinachimbichisya wawojo ndaŵi syosope.
7 Ŵandu ŵajinji akusasimongaga pambweni une.Nambo wawojo ali malo gangu gambone gakuuŵa.
8 Mkamwa mwangu mugumbele maloŵe gakwachimbichisya wawojo.+Lisiku lililyose ngusasalaga yakwamba ukulu wawo.
9 Akanjasa pangalambele.+Akandeka une machili gangu pagamasile.+
10 Adani* ŵangu ngakuŵecheta yambone yakwamba une,Soni ŵandu ŵakusaka kumbulaga akumbanganila yindu yachabe.+
11 Akuŵecheta kuti, “Mlungu amlesile jwelejo.
Kwende tumtoposye ni kumkamula, pakuŵa pangali jwalijose jwampaka amkulupusye.”+
12 Wawo Mlungu, akandalichila une chonde.
Wawo Mlungu jwangu, ayiche mwachitema kuti angamuchisye.+
13 Ŵandu ŵakusaka kunjimuchilaŴatesye sooni soni ajonasiche.+
Ŵandu ŵakusosela une yachabeAŵe ŵakunyoseka soni atende sooni.+
14 Nambo pakwamba ya une chinjipitilisya kwajembecheya wawojo.Chinjachimbichisya mnope kupunda ni kala kose.
15 Pakamwa pangu pachisala yakwamba chilungamo chawo,+Lisiku lililyose chinjisala yakusatendaga wawojo pakulupusya,Atamose kuti yili yejinji mnope yakuti nganimba nayipikanichisye.*+
16 Chinjijawula kuti ngasale yindu yamachili yakusatenda wawojo,Wawo Ambuje Ŵakulungwa Mnope Yehofa.Chinjiŵecheta yakwamba chilungamo chawope basi.
17 Wawo Mlungu, wawojo aŵele ali mkunjiganya une kutandila ndili mnyamata,+Mwamti mpaka apano ngupitilisya kulalichila yakwamba yindu yakusimonjesya yakusatendaga wawojo.+
18 Wawo Mlungu, akandeka une+ atamose ndili ngalambele ni kola wuli.
Angunde kuti nawusalile m’bado* wawukwikawo yakwamba machili gawo*Soni angunde kuti chinasalile wosope ŵakwika msogolo+ yindu yamachili yakusatendaga wawojo.
19 Wawo Mlungu, chilungamo chawo chili chekulungwa.+Wawojo atesile yekulungwa.Wawo Mlungu, ana ŵani ŵampaka alandane ni wawojo?+
20 Atamose kuti wawojo atendekasisye kuti simane ni yipwetesi soni yakusawusya yejinji,+Nambope ambesoni machili.Anjuwule une pasi pa chilambo chapasi.*+
21 Nguŵenda kuti akusye uchimbichimbi wanguSoni anjenjele ni kunimbikasya.
22 Panyuma pakwe, chinjajimbila nyimbo syakwachimbichisya ni chida changonjiLigongo lyakukulupichika kwawo, wawo Mlungu jwangu.+
Chinjijimba nyimbo syakwachimbichisya wawojo ni chida cha ngonji,Wawo Jwaswela jwa Isalayeli.
23 Ngomo syangu sichigumila mwakusangalala pakwajimbila wawojo nyimbo syakwachimbichisya,+Pakuŵa wawojo akulupwisye* umi wangu.+
24 Lulumi lwangu luchiŵecheta* yakwamba chilungamo chawo lisiku lililyose,+Pakuŵa ŵandu ŵakusaka kuti une njonasiche chachitenda sooni soni chachiŵa ŵakunyoseka.+
Maloŵe Gamwiŵanda
^ Kapena kuti “Ajiname kuti apikane.”
^ Litunguwe lili liganga lyekulungwa mnope soni lyenyakuche.
^ Kapena kuti “Mbele ndili mkwadalila.”
^ Ŵane akusati “Achimmagongo.”
^ Kapena kuti “yejinji mnope mpaka kulepela kuyiŵalanga.”
^ Ŵane akusati “mpago.”
^ Mu Chihebeli ŵatiga, “yakwamba mkono wawo.”
^ Kapena kuti “pasi pa nyasa jakusokoka ja pachilambo chapasi.”
^ Kapena kuti “awombwele.”
^ Kapena kuti “luchiganichisya.”
