Masalimo 65:1-13
Kwa jwakulongolela nyimbo. Nyimbo ja Daudi.
65 Wawo Mlungu, tuchachimbichisya wawojo ku Siyoni.Tuchikwanilisya yilanga yetu kwa wawojo.
2 Wawo Mlungu ŵakupikana lipopelo, ŵandu ŵamitundu josope chachiyika kwa wawojo.
3 Yakulemwa yangu yipundile msingu wangu,Nambo wawojo akusatukululuchila yakulemwa yetu.
4 Jwakusangalala ali mundu jwele wawojo amsagwile ni kwika najo pakuŵandikana ni wawojoKuti atameje m’maluŵala ga pa nyumba jawo.
Tuchijikuta ni yindu yambone ya pa nyumba jawo,Nyumba jawo jeswela.
5 Wawo Mlungu jwetu jwakusatukulupusya,Wawojo chachitujanga lipopelo lyetu mwakututendela yindu yakusimonjesya ligongo lya chilungamo chawo.Ŵandu wosope ŵapachilambo chapasi akwadalila wawojoKupwatikapo ŵandu wosope ŵakutama pesi nyasa.
6 Wawojo* ni machili gawo, ŵagaŵisile matumbi m’malo gakwe mwakulimbangana.Wawojo* ali ŵamachili mnope.
7 Wawojo* akusatendekasya nyasa jamkokomo kuti jitende bata,Akusagalekasya matumbela gakwe soni kwimuchila kwa mitundu ja ŵandu.
8 Ŵandu ŵakutama kumbesi kwa chilambo chapasi chachitenda woga pachachiyiwona yimanyisyo yawo.Wawojo chachitendekasya wosope kutandila kungopokolyuŵa mpaka kungapilolyuŵa, kwimba nyimbo mwakusangalala.
9 Wawojo akusachisamalila chilambo chapasi,Akusachitendekasya kuti chisogole yindu yejinji soni kuti chiŵe chachajila mnope,
Lusulo lwakutyochela kwa Mlungu luli lwegumbale mesi.Wawo akusiŵapa ŵandu yakulya,Pakuŵa ŵapanganyisye chilambo kuti chitendeje yeleyi.
10 Wawojo akusanyoŵesya migunda soni kumwalamwasya litaka lyalimile ŵandu.*Akusanyoŵesya litakalyo ni wula ja miwumbi. Wawojo akusalipa upile litakalyo mwakumelesya soni kukusya mbeju syapandile.
11 Wawojo akusachisalalisya chaka chosope ni yindu yambone mpela kuti achiwechiche chisoti chaumwenye.Palipose pakuponda wawojo pakusaŵa yindu yambone yejinji.
12 Malo gejinji ga m’chipululu gakusaŵa gana manyasi,Soni m’matumbi mukusaŵa chisangalalo chejinji.
13 M’malo gosope ga manyasi geŵisi mukusagumbalana yilango,Nambosoni mu yitiŵi* tiligu akusaŵaga palipose.
Chilambo chosope chikusagumila mwakusangalala, elo chikusajimba nyimbo.
Maloŵe Gamwiŵanda
^ Mu Chihebeli ŵatiga, “Jwalakwe.”
^ Mu Chihebeli ŵatiga, “Jwalakwe.”
^ Mu Chihebeli ŵatiga, “Jwalakwe.”
^ Kapena kuti, “kumwalamwasya misela jakwe.”
^ Yitiŵi yakusala pelepa yaliji yana malo gekulungwa gafulati.
