Salimo 64:1-10
-
Kumchenjela mundu ku yiwembu yakusisika
-
“Mlungu chachasoma jemanjajo” (7)
-
Kwa jwakulongolela nyimbo. Nyimbo ja Daudi.
64 Wawo Mlungu, apikane maloŵe gangu pangwachondelela.+
Awuchenjele umi wangu ku yindu yakogoya yakusaka kundenda mdani jwangu.
2 Anjenjele kwa ŵandu ŵakusakala+ ŵakulinganyichisya yiwembu mwakusisa,Nditu ku gulu ja ŵandu ŵakutenda yakusakala.
3 Jemanjaji akusanola malulumi gawo mpela upanga.*Mpela mwakusatendela mundu pakosechela kuponya mipamba, jemanjaji akusakosechela maloŵe gawo gakupweteka,
4 Kuti amsome nago mundu jwangalemwa kutyochela pamalo gawo gajuŵile.Akusamsoma jwalakwejo mwakusisimuchisya soni mwangali woga.
5 Ŵangachenga nganisyo pa yindu yakusakala yakusaka kutenda.*Akusakambilana mwampaka amtejele mundu mwakusisa.
Akusaŵecheta kuti, “Pangali jwampaka ayiwone yatumtejeleyo.”+
6 Jemanjaji akusawungunya matala gasambano gakutendela yakusakala.Jemanjaji mwakusisa akusalinganya mapulani gawo gachabe mwakalamuka.+Yakusaganisya jemanjaji m’mitima jawo yili yakusawusya kuyipikanichisya.
7 Nambo Mlungu chachasoma jemanjajo.+Mwakusisimuchisya chachawulasya ni mpamba.
8 Chachijonasika ni maloŵe ga pakamwa pawo.+Wosope ŵachachawona jemanjaji chachipukunya mitwe jawo.
9 Pelepo ŵandu wosope uchakamula woga,Soni chachiwandisya yatesile Mlungu,Nambosoni chachipikanichisya yakusatenda jwalakwe.+
10 Mundu jwakulungama chachisangalala mwa Yehofa soni chachitilila kwa jwalakwe kuti akajuŵe.+Wosope ŵali ŵakongoka mtima chachinyadila mwa jwalakwe.
