Masalimo 63:1-11
Nyimbo ja Daudi jaŵajimbile paŵaliji m’chipululu cha ku Yuda.
63 Wawo Mlungu, wawojo ali Mlungu jwangu, une ngwasosasosa wawojo.
Mpela mwakusasachilila mesi mundu jwajimkwete njota, une ngwasachilila mnope wawojo.
Chilu changu chifoweche ligongo lyakuti ngwasachilila wawojoPandili m’chilambo chejumu mnope soni changali mesi.
2 Une nawonaga wawojo pambite kumalo geswela,Nagawonaga machili gawo soni uchimbichimbi wawo.
3 Ligongo lyakuti chinonyelo chawo chakulupichika chili chambone kupunda umi,Ngomo syangu sichachimbichisya wawojo.
4 Myoyo chinjachimbichisya wawojo kwa umi wangu wosope.Chinjiŵilaga pa lina lyawo ndili ngwesisye makono gangu mwinani.
5 Njikwite yindu yambone mnope yambele wawojo.*Myoyo chinjajimbila mwakusangalala ni ngomo syangu, soni pakamwa pangu pachachimbichisya wawojo.
6 Ngusinakumbuchila wawojo pandili pabedi* jangu.Ngusaganichisya yakwamba wawojo chilo chosope.
7 Pakuŵa wawojo ni ŵakusangamuchisya,Soni ngusinachimbichisya wawojo mwakwesya maloŵe ndili mu m’bulili wa mapapiko gawo.
8 Une nanyambatile wawojo.Mkono wawo wamlyo ungamwile mwamachili.
9 Nambo ŵandu ŵakusaka konanga umi wangu*Chachijawula kumalembe.
10 Jemanjajo chachapyajila wosope ni upanga.*Jemanjajo chachiŵa yakulya ya makule.
11 Nambo mwenye chachisangalala mwa Mlungu.
Jwalijose jwakulumbila pa Mlungujo chachimchimbichisya jwalakwejo,Ligongo jwalakwe chachiwugala pakamwa pa ŵandu ŵakuŵecheta yaunami.
Maloŵe Gamwiŵanda
^ Mu Chihebeli ŵatiga, “Njikwite mpela ndile mawuta soni yindu yakunakana mnope.”
^ Ŵane akusati “pachindanda.”
^ Kapena kuti, “ŵakusaka kumbulaga.”
^ Upanga ukusawoneka mpela chipula chekulungwa chakutema kosekose.
