Salimo 61:1-8

  • Mlungu ali sanja jakulimba jakumchenjela mundu kwa adani

    • “Une chinjitama mu tenti jawo mpela mlendo” (4)

Kwa jwakulongolela nyimbo. Ajimbe nyimboji ni yida yakwimbila yangonji. Nyimbo ja Daudi. 61  Wawo Mlungu, apikane kulila kwangu kwakuŵenda kuti angamuchisye. Atejele liwiwi lyawo kuti apikane lipopelo lyangu.+  2  Pandaŵi janjasile mtima,*+ une chinjalilila wawojoKutyochela kumbesi kwa chilambo chapasi. Alongolele une ku litunguwe* lyalili lyelewu kumbunda une+ ni kumbika penani pa litunguwelyo.  3  Pakuŵa wawojo ali malo gangu gakuuŵa,Sanja jangu jakulimbangana jakunjenjela une kwa mdani*+ jwangu.  4  Une chinjitama mu tenti jawo mpela mlendo mpaka kalakala.+Chinjijuŵa pasi pa mapapiko gawo.+ (Selah)  5  Pakuŵa wawojo, wawo Mlungu jwangu, apikene yosope yalumbile une. Wawojo ambele une chipanje chakuŵajilwa kupochela ŵandu ŵakusajogopa lina lyawo.+  6  Wawojo chachijonjechesya masiku ga umi wa mwenye,+Soni jwalakwe chachitama yaka yejinji kumibadomibado.*  7  Jwalakwe chachitama pampando waumwenye* pameso pa Mlungu+ mpaka kalakala.Amlosye chinonyelo chawo chakulupichika soni aŵe ŵakulupichika kwa jwalakwejo, kuti yeleyi yimchenjele jwalakwejo.+  8  Pambesi pakwe une chinjijimba nyimbo syakulichimbichisya* lina lyawo mpaka kalakala.+Chinjitenda yeleyi lisiku lililyose+ pakwanilisya yalumbile.

Maloŵe Gamwiŵanda

^ Kapena kuti “Pandaŵi jawufoweche mtima wangu.”
^ Litunguwe lili liganga lyekulungwa mnope soni lyenyakuche.
^ Ŵane akusati “mmagongo.”
^ Ŵane akusati “mipago josope.”
^ Kapena kuti “Jwalakwe chachiŵa.”
^ Kapena kuti “chinjijimba nyimbo ni yida yakwimbila syakwamba.”

Copyrights for this publication