Salimo 57:1-11
Kwa jwakulongolela nyimbo. Ajimbe nyimboji pakuya kajimbe kakuti, “Akanjonanga.” Mikitamu.* Nyimbo ja Daudi paŵajuŵile kumbanga+ pakumtila Sauli.
57 Alosye une umbone mtima wawo, wawo Mlungu, alosye umbone mtima wawo,Pakuŵa une ndilile kwa wawojo.+Njuŵile mu m’bulili wa mapapiko gawo mpaka yakusawusya yili yimasile.+
2 Une namŵendile Mlungu Jwakwinani Mnopejo,Mlungu jusyesyene jwakusiŵajonanga adani* ŵangu.
3 Jwalakwe chachingamuchisya kutyochela kwinani soni chachingulupusya.+
Jwalakwe chachilepelekasya yakulinga ya ŵandu ŵakungatulanya. (Selah)
Mlungu chachilosya une chinonyelo chakwe chakulupichika+ soni chachilosya kuti ali jusyesyene.
4 Masimba gasyungulile une.+Ngusasosekwa kugona pasikati pa ŵandu ŵakusaka kundawuna,Ŵandu ŵele meno gawo gali mpela mapanga soni mipambaSoni malulumi gawo gali mpela upanga* wakutema.+
5 Wawo Mlungu, alosye kwinaniko kuti wawojo ali ŵakulungwa.Soni alosye uchimbichimbi wawo pachilambo chosope chapasi.+
6 Adani ŵangu andejele lwawu* kuti lusajo*+ lwangu lutanjile.Yakusawusya+ yinjinamisye.
Jemanjajo awukwile lisimbo pasogolo pangu,Nambo achimsyenepewo ni ŵachachigwila mwelemo.+ (Selah)
7 Wawo Mlungu,+ mtima wangu ngawukutenganyika,Mtima wangu ngawukutenganyika ata panandi.
Chinjijimba nyimbo syakwachimbichisya wawojo.
8 Mmwe umi wangu, jimukani.
Jimukani, jemanja yida yangonji yakulekanganalekangana.
Chinjijimuka kundaŵindaŵipe+ kuti njimbe nyimbo.
9 Wawo Yehofa,+ une chinjijimba nyimbo syakwachimbichisya wawojo pasikati pa ŵandu.Chinjijimba nyimbo syakwachimbichisya wawojo* pasikati pa mitundu ja ŵandu.+
10 Pakuŵa chinonyelo chawo chakulupichika chili chekulungwa, mwamti chiyiche mpaka kwinani,+Soni kukulupichika kwawo kuyiche mpaka kwiwunde.
11 Wawo Mlungu, alosye kwinaniko kuti wawojo ali ŵakulungwa.Soni alosye uchimbichimbi wawo pachilambo chosope chapasi.+
