Masalimo 56:1-13
Kwa jwakulongolela nyimbo. Ajimbe nyimboji pakuya kajimbe ka “Njuŵa Jangaŵecheta Chilichose Jajili Kwakutalika.” Nyimbo jaŵajimbile Daudi Afilisiti paŵamkamwile ku Gati. Mikitamu.*
56 Alosye une umbone mtima wawo, wawo Mlungu, ligongo ŵandu akunjimuchila une.*
Lisiku lililyose akutamila kumbuta soni kundagasya.
2 Adani* ŵangu akungatulanya lisiku lililyose.Ŵandu ŵajinji akuputana ngondo ni une mwakulikwesya.
3 Pangutenda woga, ngusinadalila wawojo.
4 Une ngusinamdalila Mlungu, mwamti ngusamyamichila jwalakwe ligongo lya maloŵe gakwe.Ngusinamdalila Mlungu mwamti jwangajogopa chilichose.
Ana mundu mpaka andende chichi?
5 Lisiku lililyose jemanjajo akusasokonasya mapulani gangu.Akusagamba kuganisya yakuti ambweteche basi.
6 Akusanjuŵilila kuti andende chiwembu.Akusalolechesya kajende kangu,Ali mkusosasosa mpata wakuti ambulajile.
7 Wawo Mlungu, ŵakane jemanjajo ligongo lya yitendo yawo yakusakala.
Ajimasye mitundu ja ŵandu ali atumbile.
8 Wawojo akusamanyilila chenene kulikose kwangwawula.
Asunje misosi jangu mumsaku wawo walipende.
Ana misosi jangujo ngati wajilembile m’buku jawo?
9 Adani ŵangu chachitila palisiku lyachinjaŵenda wawojo kuti angamuchisye.
Une ngangukayichila kose yakuti Mlungu ali kumbali jangu.
10 Une ngusinamdalila Mlungu mwamti ngusinamyamichila jwalakwe ligongo lya maloŵe gakwe.Une ngusinamdalila Yehofa mwamti ngusamyamichila jwalakwe ligongo lya maloŵe gakwe.
11 Ngusinamdalila Mlungu, mwamti jwangajogopa chilichose.
Ana mundu mpaka andende chichi?
12 Wawo Mlungu, une ngwenela kuyikwanilisya yilanga yangu yanatesile kwa wawojo.Une chinjipeleka mbopesi syakwayamichila wawojo.
13 Pakuŵa wawojo angulupwisye une ku chiwaSoni angamuchisye kuti lusajo* lwangu lukakuŵala.Atesile yeleyi kuti njende pameso pa wawojo Mlungu mu lilanguka lyalikwaŵalila ŵandu ŵaumi.
Maloŵe Gamwiŵanda
^ Alole Kugopolela kwa Maloŵe Gane.
^ Kapena kuti, “akungatulanya une.”
^ Ŵane akusati “achimmagongo.”
^ Ŵane akusati “likawu.”
