Salimo 55:1-23
Kwa jwakulongolela nyimbo. Ajimbe nyimboji ni yakwimbila yangonji. Masikili.* Nyimbo ja Daudi.
55 Wawo Mlungu, apikane lipopelo lyangu.+Akagamba kutama ngatenda kandu pakuŵenda kwangu kwakuti andendele chanasa.*+
2 Atejele liwiwi lyawo soni anjanje.+
Mtima wangu nganiwuŵa m’malo+ ligongo lya yakusawusya yangusimana nayo,Soni sokonechele nganisyo
3 Ligongo lya yindu yakuŵecheta mdani* jwanguSoni ligongo lyakuti mundu jwakusakala akundagasya.
Pakuŵa adani ŵangu awunjichile une yakupweteka yejinjiSoni ligongo lyakutumbila kwawo asunjile chakulukosi.+
4 Mtima wangu ukupweteka mkati mwangu,+Soni ngogopa mnope+ kuti mpaka ambulaje.
5 Woga ungamwile soni ngutetemela,Soni ndetemu singamwile mnope.
6 Une natite, “Yikaŵe kuti ngwete mapapiko mpela njuŵa,
Ngagulwiche ni kwawula kwakutalika kuti ngatameje mwatendele.
7 Nditu, ngatilile kwakutalika mnope.+
Ngapatile malo gakutama m’chipululu.+ (Selah)
8 Ngatilile mwachitemachitema kumalo gambone kuti ngajuŵeKutali ni mbungo jajikupugaji, nditu kwakutalika ni chimbungo.”
9 Wawo Yehofa, ŵasokonasye adani ŵangu soni alepelekasye mapulani gawo,*+Pakuŵa une nayiweni yachiwawa soni yandewu yili mkutendekwa mumsinda.
10 Musi ni chilo jemanjajo akusajendaga penani pa mapupa ga msindawo.Mumsindamo mukutendekwa yindu yakusakala soni yakusawusya.+
11 Yindu yakogoya yili palipose mumsindamo.Chinyengo soni kwalagasya ŵane ngayikumala mu luŵala lwakwe.+
12 Pakuŵa mundu jwakunyosya une+ nganaŵa mdani jwangu.Yikaŵe kuti ali mdani jwangu, ngagambaga kuyipilila.
Jwanjimuchilejo nganaŵa mundu jwakuŵengana ni une.Yikaŵe myoyo ngagambile kulisiwuchisya kuti akambona.
13 Nambo ŵamtesile yeleyi mli mmwejo mundu jwakulandana ni une,+Mjangu jusyesyene jwangummanyilila chenene+ ni jwatesile yeleyi.
14 Mmwejo ni une twasangalalaga ligongo twaliji ŵakamulana mnope.Twajinjilaga yalumo m’nyumba ja Mlungu pampepe ni gulu ja ŵandu.
15 Nguŵenda kuti adani ŵangu ajonasiche.+
Ŵajinjisye m’Malembe* ali ŵaumi.Pakuŵa yakusakala yili pasikati pawo soni m’mitima jawo.
16 Nambo une, chinjimŵilanga Yehofa Mlungu jwangu,Soni jwalakwe chachingulupusya.+
17 Ligulo, kundaŵi soni musi ngusaŵa ndili mkulagasika soni kuwuwula,+Soni jwalakwe akusapikana kuŵenda kwangu.+
18 Jwalakwe chachingulupusya* mmyala mwa ŵandu ŵakuputana ni une ni kumba mtendele,Pakuŵa ŵandu ŵakwika kuti alimbane ni une+ atupile mnope.
19 Mlungu jwakusatama pampando wakwe waumwenye kutandila kalakala,+Chachipikana ni chachilimbana ni jemanjajo.+ (Selah)
Jemanjajo pakuŵa ŵangamjogopa Mlungu,Chachikana kuchenga matala gawo.+
20 Jwalakwe* ŵajimuchile ŵandu ŵaŵakamulanaga nawo.+Jwalakwe akasile chilanga chakwe.+
21 Mpelaga mwakusapikanila mundu pakumila mawuta ga mu mkaka,+ ni mwagaŵelelesoni maloŵe gakwe,Nambo mumtima mwakwe mugumbele nganisyo syakumenyana.
Maloŵe gakwe gali gakunonyelesya mpela mawuta,Nambo gali mpela upanga* wakutema.+
22 Mumtulile Yehofa+ yindu yayikumlagasya nganisyo,Soni jwalakwejo chachimkamuchisya mmwejo.+
Jwalakwe ngasakunda kuti mundu jwakulungama agwe.*+
23 Nambo wawo Mlungu, ŵajinjisye jemanjajo mwisimbo lyakusokoka mnope.+
Ŵandu ŵakwawulaga achimjawo* soni ŵachinyengo ngasatama ni umi atamose hafu ja masiku gawo.+
Nambo pakwamba ya une chinjadalila wawojo.
Maloŵe Gamwiŵanda
^ Alole mbali jakuti, Kugopolela kwa Maloŵe.
^ Kapena kuti “Akasisa ngope jawo pangupopela kuti angamuchisye.”
^ Ŵane akusati “mmagongo.”
^ Mu Chihebeli ŵatiga, “soni agaŵanye malulumi gawo.”
^ Alole mbali jakuti, Kugopolela kwa Maloŵe.
^ Mu Chihebeli ŵatiga, “chachiwombola.”
^ “Jwalakwe” jwakwamba pelepaju ali mjakwe jwakumsala pa ndime 13 ni 14.
^ Upanga ukusawoneka mpela chipula chekulungwa chakutema kosekose.
^ Kapena kuti “apepeluche; atenganyiche.”
^ Mu Chihebeli ŵatiga, “Ŵandu ŵakwete magambo ga myasi.”
