Salimo 53:1-6
Kwa jwakulongolela nyimbo. Ajimbe nyimboji pakuya kajimbe ka Mahalati.* Masikili.* Nyimbo ja Daudi.
53 Mundu jwakuloŵela* akusaŵecheta mumtima mwakwe kuti:
“Yehofa kwangali.”+
Yitendo yakwe yangali chilungamo yili yachabe soni yakusakala.Pangali atamose jumo jwakutenda yindu yambone.+
2 Nambo kutyochela kwinani Mlungu akusiŵalolechesya ŵanache ŵa ŵandu+Kuti alole naga apali jwalijose jwakupikanichisya yindu, kapena naga apali jwalijose jwakumsosasosa Yehofajo.+
3 Nambo wosope alesile kutenda yambone.Wosope ali ŵakusakala.
Pangali jwakutenda yindu yambone,Pangali atamose jumo.+
4 Pa ŵakusakalaŵa, ana pangali jwalijose jwakupikanichisya yindu?
Jemanjaji akusiŵajonanga ŵandu ŵa Mlungu mpela mwakusalila yakulya.
Ŵandu ŵeleŵa ngakusapopela kwa Yehofa.+
5 Nambo jemanjaji uchakamula mnope woga,Woga wakwe wakuti nganiwakamuleje chitandilile,*Pakuŵa Mlungu chachigamwasanya mawupa ga ŵandu ŵakumjimuchila jemanja.*
Jemanja chimchatesya sooni, pakuŵa Yehofa ŵakanile jemanjajo.
6 Nguŵenda kuti chikulupusyo cha Isalayeli chityochele ku Siyoni.+
Nguŵenda kuti Yakobo chasangalale, elo, Isalayeli chanyadile,Yehofa pachachasonganganya ŵandu ŵakwe kutyochela ku ukapolo.
Maloŵe Gamwiŵanda
^ Alole mbali jakuti, Kugopolela kwa Maloŵe.
^ Alole mbali jakuti, Kugopolela kwa Maloŵe.
^ Kapena kuti “Mundu jwangali lunda.”
^ Kagopolele kanesoni, “Chachijogopa pali pangali chakogoya.”
^ Mu Chihebeli ŵatiga, “ŵandu ŵakunjile matenti gawo kuti amjimuchile jemanja.”
